::{ مجالس قبيلة هذيل }:: موقع يهتم بتراث القبيلة ومفاخرها - تعــــال إجرح على كيفك.. تربـع واستحـل عـروق

على طاري صباح الورد, وإسمك, والحـلا والـذوق
ذكرتك يــــا أجمـل أحلامــــي , بقافــــي واستهليتـه

على درب القصيد أسـوق , قلبي والخطـاوي شـوق
وإذا مالت بــــي الخطـــوة , علـى دربـــــك تناسيتـه

يهز الشـــــوق بأعماقـــــي , عناقيـد الغـرام عـذوق
ويقطف بالغـــــــلا فيني , غـرامـ(ن) خنـت وأخفيتـه

أحبك كثر مـــــا يشعل , غرامك فـي حشـاي حـروق
وشبٌـــــــه زود لو يحرق , ضلوعي مـت مـا اطفيتـه

أحبك دمعتـ(ن) طاحــــت , على خد الصباح اشـروق
يمــــوت النــــور لــــو طاحـت , علـى كفـي وضميتـه

أحبك , إيــــــه أحب إسمك .وأمـوت بجيـدك المنتـوق
و تخيل كثـــــر مــــــا أكـــــره صـدودك , قمـت حبيتـه

تموت مــــن البطا غيمــــه , طعنها مـن جفـاك بـروق
وغشى روض الحشا وسمي , جفافك وإنت ما ارويته

رحلت , ومــــــا بقى منك سواك إنت , و عنـا مفهـوق
عنـــــا ذاك الربيــــع اللــــي , غشانــــــي مـا تمنيـتـه

تعــــــــال , إجرح على كيفك , تربـع واستحـل عـروق
تدلـل والبســــــاط أحمـد , وأنــــــا لــــرضـاك مديـتـه

قـــــــــم إسهج لآخر ضلوعـي, تغلغـل داخلـي برفـوق
حـــــلالك مــــــا بقى منـــي , مـع اللـي لأجلـك أفنيتـه

من اللـــــــي من غديت أجمل قصيدة ما غـدا لـه ذوق
ومــــن اللــــي كتـب بــــاسمـك قصيـده وانكسـر بيتـه

وربـــي , مـــــــن كتبت إسمـك وبروزتـه بقلبـي فـوق
وأنـــــا مـــــا دار فــــــي بالــــي , قصيـد مـا تحاليتـه

دخيل دمعتين اللــــي, غـدت منهـــــــا الخـدود شقـوق
ترفق ســـــامحك ربــــي , علـى قلـب(ن) لـك أهديتـه

إذا لك حق فــــي قلبي , فـــــأنا لي فـي غـلاك حقـوق
و حقوق الشـــوق محفوظــــة , وحـــــدي مـا تعديتـه

يذكرني صبــــاح الــورد , وإسمـك , والحـلا والـذوق
وأردد يــــا ( أجمـل أحلامـي ) بقافـــــي يـــــوم هليته