خادم الحرمين
 

رد: خادم الحرمين
 

رد: خادم الحرمين
 

http://img105.herosh.com/2010/11/28/584108770.jpg
[poem=font="mateen,5,blue,bold,normal" bkcolor="transparent" bkimage="" border="double,3," type=2 line=0 align=center use=ex num="0,black""]
عسى مايجيك خلاف ياخــادم البيــــت=ويحمــــاك من شر الليـــالي والأيـــام

تفاجئت من علم(ن)سمعته تفاجئــــت=وهزت مشاعر خاطري بعض الأعلام

سمعت الخبر وأهتــــز قلبي وفزيـــت=من أحلى منامي قمت من فوق الأقدام

طلبت الله المعبود وأصبحت وأمسيـت=وأنا أســـآل ربي عنــك يانـور الأسلام

ويامـــا سألــــت الله ويامــا تمنــيــــت=منى الصـــادق اللي ساهر الليل مانام

أنادي وأساله كل ماأقبـــلت وأقفيــــت=يفك لمـــلكنا من صـــواديـــف الأيـــام

ابو متعب اللي شتـــت الفــقر تشـــتيت=وأعان الضعيف وريح قلـــوب الأيتام

دعولك ومنك الخير جـاهم بـــعد جــيت=وكل(ن)مواصـــل دعوتــــه كل ماقام

عطفت ورحمت وحبك الشعب وأعطيت=بعطفـــك ولطفـــك فيه حققت الأحلام

حكمت وعدلت بنية الــصدق وأوفـــيت=زعـــيمً على كل المـــهمـــات عـــزام

عسى العافيه تبراك ياطيـــب الصـــيت=وتبقى صحيح الــعمر عام(ن)بعد عام

وسلطان أحيي به معك وأنت حـــــييـت=ولي عهد لخشــوم الطواغيـــت لطـام

ونايف وأخوه أحمد خصوم الطواغيـت=عيـــون البلد عن كل خـــاين وظـــلام

وسلمان وقت ساعة الوقت توقــيــــت=يبـــاريه في كل المـــهمـــات سطـــام

أقوله بعد ماحـــس قلبـــي وحســــــيت=وحسات قلبي واضحه مثل الأعـــلام

تحرك من الأعـمــــاق قلـــبي وغنيــت=بشعر ومشاعر في مواطن وحكـــام

أقولـه وأنا شــــاعر وطـــن ماتوانــيت=حب الوطن له داخل القلــب مرسـام

وهذا الوطـــن ياللـــي بحـقـه تـــــعديت=نسيت فضله بــعد غرتــك الأحــــلام

شبعت وشبع فكرك من الشر وأخطيت=وقادك معه للشـــر غـــاوي وشتــام[/poem]



//

سلمـت على ماجبت شاعرنا قبل

صح لسانك ...

والله يحفظ لنا خادم الحرمين الشريفين الملك عبد الله بن عبد العزيز

رد: خادم الحرمين
 

أقولـه وأنا شــــاعر وطـــن ماتوانــيت***حب الوطن له داخل القلــب مرسـام

الله الله ... لله درك يا رائع




كفو و الله يا شاعر الروح الوطنية و هذه القصيدة شاهد على أحقية هذا اللقب ...

نسأل الله أن يشفي خادم الحرمين الشريفين ...

و صح لسانك يا جزل ... مبدع مبدع

رد: خادم الحرمين
 

رد: خادم الحرمين
 

الله يصح لسانك أبا ماجد

دائما حاضرا في المناسبات الوطنية ، هذا الواجب على كل محب لوطنه ولحكومته وشعبه


والحمد لله على سلامة الوالد البار

رد: خادم الحرمين
 

بيض الله وجهك يابو ماجد قصيده جزله والله يحفظ أبو متعب

تحياتي .

رد: خادم الحرمين
 

رد: خادم الحرمين
 

صح لسانك يابو ماجد

دااااااااااااااائما مبدع لله درك


اطيب التحايا

رد: خادم الحرمين
 

تسلم على هذا الإبداع الرائع أبيات في غاية الروعة
والممدوحين يستاهلون هذا المدح وأكثر من ذلك

رد: خادم الحرمين
 

شاعر الروح الوطنيه

انت

مبدع

ولكن لدي تعقيب ع شطر من بيت ارجو قبوله بصدر رحب

(من أحلى منامي قمت من فوق الأقدام)

ارى من وجهة نظري ان حرف (من) الثانيه في هذه الشطر يجعل البيت يحتمل تأويلات اخرى غير المقصود الحقيقي وهو (القيام من الفزع والوثوب ع الاقدام)

فلو قلت مثلا(من احلى المنام اوقومتي فوق الاقدام) او(من احلى منامي قومتي فوق الاقدام) بأي صوره اهم شي يكون المقصد القيام على الاقدام وليس من فووق لاقدام

اخي

واستاذي/ قبل المسعودي

وجهة نظر لا اكثر ولا اقل قد تصيب وقد تخطي

وتحتمل التعديل والتبصير

فأرجو تنبيهي ان اخطأت

رد: خادم الحرمين
 

شاعر الوطن والروح الوطنيه

صح لسانك

ونسأل الله أن يشفي خادم الحرمين الشريفين




تقبل ودي قبل ردي

رد: خادم الحرمين
 

اخي

صالح الكعبي

انت بهذه الطريقه كسرت البيت واصبح العجز اطول من الصدر

انا حاولت ازج بحرف (على) لكن ما جااء معي .. ربما شاعر الوطن يركبه في البيت بطريقته الخاصه

ولكن تبقى على افضل من (من)

حسب وجهة نظري انفا

وشكرا للجميع

وشكرا لشاعرية شاعر الوطن التي استنزفت حبر اقلامنا لنتناقش في المفيد

رد: خادم الحرمين
 

أخوكم شاعر الوطن وشاعر الروح الوطنية الشاعر/قبل باخت المسعودي الهذلي
الملاحظه والنقد على الشاعر لاتضره بل تزيده انتباه
أشكركم على قوة تمعنكم في ابيات القصيده أما البيت الذي يقول
من أحلى منامي قمت من فوق الأقدام
أن الشخص عندما يأتيه أي خبر مثير للمشاعر نائماً أو صاحياً فنهوضه يكون على روس الأقدام وليس على الأعضاء الأخرى
فهذا البيت يدل على فزة المشاعر ووقوف من فزة مشاعره على أقدامه
وأشكركم جزيل الشكر والله يعطيكم العافيه

رد: خادم الحرمين