حامد القارحي:
هلا يامرحبا في حلة اهل الجود واهل الطيب. .طحاطيح الرجال اللي مواقفها تجملها
ملوك الجن وش معنى يجفلها قنيب الذيب. .وابن متروك لو يزهم بصوته مايجفلها



محمد السناني:
يدوم الك البقا فالحله اللي تكثر الترحيب. .تراحيب الوفا من خارج الحله وداخلها
ملوك الجن مايعرف تعاملها النبي شعيب. .لو سليمان ابن داوود فاعماله مشغلها


حامد:
عمرناها على عز وكرامة والصحيح يصيب. .وناوي لك على طرقه نصيحه لاتكملها
ضحك لك واحد لكن سنونه كلها تركيب. .على كيفه يركبها على كيفه ينزلها



محمد:
مجرب قبل هذا اليوم مايحتاج لك تجريب. .تكمل واجب الضيفان والشرهه تحملها
يازين الضحكه اللي خلتك عند اللزوم اتغيب. .تبيها تعتدل والله ماراد انه يعدلها



حامد:
اجنبها عن الصاحب مادام القالها تجنيب. .لو اني مستعد اضيق اخلاقه واقفلها
معك ناس توصلك الرسايل مانت عالم غيب. .لكن انشدك تخدم كذا ولا انت مرسلها


محمد:
يازين اخلاقك الشرحه يازين الدرس والتآديب. .عرفت تعامل التجار وتطّبق تعاملها
حماس وفتح ناوين العمار وجابوا التخريب. .واقول الله يزيل الطايفه واللي يمثلها


حامد:
ليا جا فالعلوم اعلوم ماخذ مخرج التهريب. .نقابلها على وضح النقا يعني نقابلها
على فرقى العرب تسعى ولا تسعى على التقريب. .هذي منشود عنها لازم اعمالك تحصلها


محمد:
اكيد انك تقابلها هذا مافيه شك وريب. .تعرف إن العرب ماتنزل الا في منازلها
انا اقول القلوب المستغشه مستحيل اتطيب. .وضحكة سن ترضيها وضحكة سن تزعلها


حامد:
انا كم قلت لك بعض السوالف يا محمد عيب. .صدق صقر البقيلي قمت تخربها من اولها
لقيت العقرب ام ذنيب عند الحيه ام جنيب. .وابو تركي مايعرف سمها حتى يحللها


محمد:
ليا فصلت تلبس من حلالك والنصيب يصيب. .عليك اللايمه فالكلمه اللي كنت قايلها

المشاركة الأصلية كتبت بواسطة الشعبانى (المشاركة 479004) حامد القارحي: هلا يامرحبا في حلة اهل الجود واهل الطيب. .طحاطيح الرجال اللي مواقفها تجملها ملوك الجن وش معنى يجفلها قنيب الذيب. .وابن متروك لو يزهم بصوته مايجفلها محمد السناني: يدوم الك البقا فالحله اللي تكثر الترحيب. .تراحيب الوفا من خارج الحله وداخلها ملوك الجن مايعرف تعاملها النبي شعيب. .لو سليمان ابن داوود فاعماله مشغلها حامد: عمرناها على عز وكرامة والصحيح يصيب. .وناوي لك على طرقه نصيحه لاتكملها ضحك لك واحد لكن سنونه كلها تركيب. .على كيفه يركبها على كيفه ينزلها محمد: مجرب قبل هذا اليوم مايحتاج لك تجريب. .تكمل واجب الضيفان والشرهه تحملها يازين الضحكه اللي خلتك عند اللزوم اتغيب. .تبيها تعتدل والله ماراد انه يعدلها حامد: اجنبها عن الصاحب مادام القالها تجنيب. .لو اني مستعد اضيق اخلاقه واقفلها معك ناس توصلك الرسايل مانت عالم غيب. .لكن انشدك تخدم كذا ولا انت مرسلها محمد: يازين اخلاقك الشرحه يازين الدرس والتآديب. .عرفت تعامل التجار وتطّبق تعاملها حماس وفتح ناوين العمار وجابوا التخريب. .واقول الله يزيل الطايفه واللي يمثلها حامد: ليا جا فالعلوم اعلوم ماخذ مخرج التهريب. .نقابلها على وضح النقا يعني نقابلها على فرقى العرب تسعى ولا تسعى على التقريب. .هذي منشود عنها لازم اعمالك تحصلها محمد: اكيد انك تقابلها هذا مافيه شك وريب. .تعرف إن العرب ماتنزل الا في منازلها انا اقول القلوب المستغشه مستحيل اتطيب. .وضحكة سن ترضيها وضحكة سن تزعلها حامد: انا كم قلت لك بعض السوالف يا محمد عيب. .صدق صقر البقيلي قمت تخربها من اولها لقيت العقرب ام ذنيب عند الحيه ام جنيب. .وابو تركي مايعرف سمها حتى يحللها محمد: ليا فصلت تلبس من حلالك والنصيب يصيب. .عليك اللايمه فالكلمه اللي كنت قايلها

الف شكر على النقل
شعار غنيين عن التعريف

عز الله ابداع و شعر راهي

صحت الالسن و مشكور على النقل يا الشعباني