|
الحميا وطيب الهقوات
هذه محاوره جرت بيني وبين الشاعر/ ابراهيم السفياني ( طيب الهقوات) قبل حوالي عام خضر البقيلي مرحبا من هجوسا ساهره ماتنـام دامها تحت حكمي واعرف اعلومها قبل عيد الضحيه بعد شهرالصيـام ليلت(ن) من سماها طاحت انجومها ابراهيم السفياني البقا من هجوس الطيب ارد السلام ردة(ن) تاصل اهل الدار وقرومها لو تطيح النجوم من السما ياسلام زانت الملعبه واعلنت مرسومهـا خضر البقيلي الوفا والمكارم من سلـوم الكـرام وانت من عزوت(ن) ماتترك الزومها احتزم ياوسيع المعرفـه بالحـزام والهدف بين معطاهـا ومحرومهـا ابراهيم السفياني الوفا سلمنا لاهـل المواجيـب لام عزوتي سادة العراف من يومهـا احتزمنا وولمنا الصفر والحسـام لجل جزله تشوش الراس ونرومها خضر البقيلي انتبه لاتخالف ياعميلي النضـام لوم نفسك قبل لا اضيق والومها وفي الكيل لاهله بالوفا والتمام فرق مابين ضالمها ومضلومها ابراهيم السفياني مامشينا الدروب الي تجر الملام حشمة للرجال الي على سومها منبر اهذيل كان الي عليه الزحام قبل لاتبكي العذرا سبب شومها خضر البقيلي لابقلك حـلال ولا بقلـك حـرام وانت تعرف طباع القوم وسلومها عارفين القصور وعارفين الخيام في يدينـا وثايقهـا وبختومهـا ابراهيم السفياني اعرف اهذيل تاريخا عزيز المقام واعرف اللي يضد القوم ويسومها والله انا لنا منـزال ذروة سنـام كيف تدخل خيام البدو ودحومهـا خضر البقيلي محتمين المواقف من جنوب وشام وان سرينا اليالي نفرك اخشومها مانت باني هرم ياصاحبي من عدام منزلي قصر والخيمه لمحمومهـا ابراهيم السفياني الليالي لهـا شلفـا تقـص العظـام وانت دوبك تصحي الحضر من نومها انت ساكن قصر واتلى القصر للهدام فوق جرف هيـال يميـل اعزومهـا خضر البقيلي قبل تهجم عليكم قوة الاقتحـام ثم تخلي مزارع عوف من ثومها كاتبين الروايه قبل عشرين عام حددو لك عفارتها ويشمومهـا ابراهيم السفياني اعدل السالفه ولا عليه الحـرام لازهم هذيل عايشها ومرحومها انت حلمك في يد مفسرين الحلام لاتعـرض حياياهـا وزقومهـا |
رد: الحميا وطيب الهقوات
http://up.arab-x.com/Nov10/6SY19611.gif
صحت الالسن محاوره ع معاني رفيعه عارفين القصور وعارفين الخيام في يدينـا وثايقهـا وبختومهـا بيض الله وجيهكم.. ودوم ع القوه ياارب |
رد: الحميا وطيب الهقوات
صحححح لسانك ياخضر وصح لسان ابراهيم السفياني بيض الله وجيهكم محاوره ولا اروع استمتعت بقرائتها تحياتي للحميا |
رد: الحميا وطيب الهقوات
ياسلام ياسلام
صح لسانك يالحميا وصح لسان الشاعر طيب الهقوات محاوره قمه وسبك وحبك ومعنى بين الشعار تمت مناقشته بحرفيه ودهاء تحياتي لك يالحميا وعساك على القوه . |
رد: الحميا وطيب الهقوات
صح لسانك يا الحميا
و صح لسان طيب الهقوات ابدعتم .... وامتعتم |
رد: الحميا وطيب الهقوات
اقتباس:
هلا وغلا المتألق / ابو ملاذ صح بدنك شكرا من القلب لمرورك الراقي |
رد: الحميا وطيب الهقوات
بيض الله وجهكـ ياابو وافي.. . . شعااار مافيكم حيله.. . . تقبل مروري.. . . ولكـ احتراامي |
رد: الحميا وطيب الهقوات
اقتباس:
هلا وغلا المتألق / ابو ملاذ صح بدنك شكرا من القلب لمرورك الراقي |
| الساعة الآن 06:06 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل