|
ماهيب تاقف على البيبان والطاقه
السلام عليكم ورحمة الله وبركاته
مساكم الله بالخير أعضاء وزوار هذه ابيات غزليه بقصد التواصل معكم عساء ان تحوز على رضاكم القلب من حب ليلى كثـرة حروقـه عاشق وليلى على ماظـن عشاقـه ماسيـرت فالعقيـق وواد معشوقـه الخصر والردف جلى شان خلاقـه والعين عين أشقراً مافكـت أسبوقـه راعيه نفسه على المقنـاص تواقـه والخد نوراً كشح والثـوب ياظوقـه على صغير النهـد مزيـن تطراقـه غطت على الغيد رغم الزين وأفروقه متوسطاً طولهـا ماهيـب عملاقـه من شافها يختلف شكلـه ومنطوقـه وتكثر هواجيس قلبه مـن تصلفاقـه عمهوجةً عاقلـه ماهيـب مطفوقـه ماهيب تاقف على البيبان والطاقـه علم وجمال وذكى ماهيب مصفوقـه متسلحه بـالادب وعلومهـا أرقاقـه ولاهيب في السوق متبوعه وملحوقه ولالدت بعينها فـي قاطـع الساقـه المبسم ابيض حمر والعنـق منتوقـه لو شافها مطوع بريده ثنـى ساقـه الشعرفيها يشـوق القلـب طاروقـه والشعر ما أجمل اليا قفـت تفراقـه غروٍ كساه الجمال وزانـت أوفوقـه والعهد مـن سابـق الايـام ماباقـه من خف دمه يشاف الـدم بعروقـه حسن الجمال الطبيعي حسن أخلاقـه |
رد: ماهيب تاقف على البيبان والطاقه
ماشاء الله ........
صح اللسانك ................ لاهنت |
رد: ماهيب تاقف على البيبان والطاقه
حياك يامهل وحي ماجبت
صح فكرك |
رد: ماهيب تاقف على البيبان والطاقه
صح لسااااااااااااااانك
ويعطيكم العااااااااااااااافيه |
رد: ماهيب تاقف على البيبان والطاقه
الله الله ...
مهل الرياحي يتجدد مع حرفك الشوق للشعر صح لسانك على كل حرف .. أشهد بالله انك أبدعت |
رد: ماهيب تاقف على البيبان والطاقه
ماشاء الله
لاهنت شاعرنا مهل صح لسانك وتواصلك يهمنا ومحل تقديرنا مبدع تحية طيبة |
رد: ماهيب تاقف على البيبان والطاقه
صح لسسسسسسسسسسسسسانك اخوي مهل .. مبدع .. وحياك الله |
رد: ماهيب تاقف على البيبان والطاقه
وعليكم السلام ورحمة الله وبركاته
اهلا وسهلا ومرحبا بك وحياك الله تحية المطر صح لسانك وبيض الله وجهك ونسعد بتواصلك وننتظر جديد ابداعك |
رد: ماهيب تاقف على البيبان والطاقه
اقتباس:
ليلى لها عشاق تعزف لها الجوقه 0 ومن يتابع هواها عذب خفوقه ترى مطوع بريده حاله ممحوقه 0 من عشقها باع معزاه وعافته نوقه اترك هواها وهي بالزين ممشوقه 0 ون شفت عاشق لها صكه بطابوقه تحياتي لك مجاراه هزليه ومرحباء بكككككككككككككككككك |
رد: ماهيب تاقف على البيبان والطاقه
صــح لـســانك اخي مهل الرياحي قصيده غزليه راااااائعه بكلماتها ومعناها ومبناها قصيده جزله راقت لي صــح فكرك تحياتي لك |
رد: ماهيب تاقف على البيبان والطاقه
لو شافها مطوع بريده ثنـى ساقـه
لاتعليق!!!! اي اسقاط هنا؟ انا لدي تحفظ على هذا الشطر !! والقصيده بمجملها جميله وصف رائع وانسيابيه جميله وشاعرها اجمل |
رد: ماهيب تاقف على البيبان والطاقه
قووووه
لآهنت...! |
| الساعة الآن 05:55 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل