عطيب الجراح
 

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحة يوم كلاً في المنام استراح = أنا عيوني جفاها النوم عيت تنام
جالس لحالي وهوجس لين نور الصباح = وبدالي الصبح وانزاحت سبول الظلام
كله من اسباب حياً سم حالي وراح = وانا اتحراه وارجي جيته كل عام
أقفى وصوب فؤادي بي عطيب الجراح = جاهل في درب المحبه والهوى والغرام
مايدري ان الهوى للروح سماً ذحاح = كم واحد فالهوى قالوا عليه السلام
صبرت لكن صبري طال والسر باح = وفي غيبته ماتهنينا بشرب وطعام
صبرت صبر الضوامي فوق عداً قراح = تعاين الما ولا شربت وضلت حيام
يابو عيون هدبها مثل زرق الرماح = من حب مثلك ترى في ذمتي مايلام
لو كان بين العرب شفته يصيح صياح = الحب من يبتلى به راح حاله عدام
وجدي على شوفتك يابو الوصوف الملاح = وجد الذي ما معه حيله يرد الجهام
القوم جاته وهو مافي يدينه سلاح = في ديرة اجناب ماله لا خوال وعمام
ولا وجود السجين اللي يجر النياح = في السجن مضلوم والسبه عيال الحرام
مضلوم في دم والرجال ماله صلاح = بري ويشكي على الخلاق منشئ الغمام
حالي كما حالته في جيتي والمراح = وعييت لنساك يالمجمول خابي اللثام
وطاريك دايم في بالي ياظبي البراح = ورخصت روحي وانا رجال عالي المقام
ماعاد فيني على صدتك جهد وكفاح = ام ارفق بحالتي ولا علي السلام
[/poem]

رد: عطيب الجراح
 

تبارك الله اشاء الله ... مصافحة أولى تنم عن شاعرية فخمة و شاعر حقيقي

بندر أحمد الهذلي ... حياك الله و حيا هالبوح الراقي

صح لسانك يا مبدع ... متابعين لكل جديد

رد: عطيب الجراح
 

رد: عطيب الجراح
 

ماشاء الله تبارك الله


حي الله بندر وصح لسانك


قصيدة فاخره ، وجزلة ما شاء الله

سعيدين بحضورك، ونطمح في تواصلك


يثبت النص


تحية طيبة

رد: عطيب الجراح
 

رد: عطيب الجراح
 

صح لسانك وعلا شانك

حضور رائع وقصيده عذبه


تحياتي

رد: عطيب الجراح
 

الاخ عزالرفيق صح بدنك وشرفتني بمرورك لاهنت يا لغالي

رد: عطيب الجراح
 

الاخ جمعان صح بدنك وعساك سالم

رد: عطيب الجراح
 

الاخ عماد الهذلي ابقاك الله وصح بدنك وشكرا لك على تثبيت النص

الله لايهينك يا لغالي

رد: عطيب الجراح
 

الاخ عقيلي من هذيل وانت بصحة وعافية وصح بدنك ومشكور على مرورك لاهنت

رد: عطيب الجراح
 

الاخ قرناس بني ياس صح بدنك والرائع حضورك بارك الله فيك

رد: عطيب الجراح
 

قصيدة جزلة


صح لسانك

رد: عطيب الجراح
 

مرحبا بك يابندر

قصيده كلها رووووعه

صح لسانك يالذيب

اطيب التحايا

رد: عطيب الجراح
 

تبارك الله ماشاء الله ... مصافحة أولى تنم عن شاعرية فخمة و شاعر حقيقي

بندر أحمد الهذلي ... حياك الله و حيا هالبوح الراقي

صح لسانك يا مبدع ... متابعين لكل جديد

رد: عطيب الجراح
 

اخوي
بندر احمد الهذلي
ان للابداع مبدعين

وللشعر شعراء متمكنين

صح لسانك وسلم بنانك وكل كيانك

على هذا العطاءالزاخر والؤلؤ الفاخر دمت
للابداع منبعا وللعرف مطلعا وللادب متســـــــــعا