يابو سعد
 

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا بو سعد عيني جفا النوم نونها = الجدي وسهيل اليماني تخايله
يصبح عليها الصبح ماتعرف الكرا=والقلب من ما فيه زادت غلايله
مالي جدا غير المثايل وردها = اردها ودموع الاعيان سايله
وخفيت ونات الحشا داخل الحشا=السر يبقا سر ماني بقايله
لي حاجةٍ مندونها غبة البحر = مندونها بحرًا تروع هوايله
اشوفها بالعين والموج دونها=والموج ماينحال لو جيت احايله
عليها الحسايف كل ماحل ذكرها=مسكانها في الروح ماهي بزايله
على البال تطري كل ما ذعذع الهوا=وناح الحمام عصير والشمس مايله
كم ونةٍ سارت وكم عبرةً جرت=في مرقبٍ ضليت بادي قذايله
هليت في روس المراقيب عبرتي=ومن يبدي المشراف هذي فعايله
لابد مايطريك غالين في العرب =ودك تعرف احوالهم كيف قايله
من عقب حال الياس بينك وبينهم=والكل منهم شد وقفت رحايله
تذكر منازلهم وميراد زملهم=على العد يوم القيض تحما قوايله
وذيك الفجوج الخاليه من نزولها=اللي لها خمسه وعشرين حايله
ماعاد باقي الا الحصا في جنابها=ورسمًا تشوف العين باقي دلايله
في واديٍ بعد المحل عله الحيا=سقاه برٍٍق تنثر الما مخايله
دارًا تسلي خاطر اللي يمرها=من مرها هجرس وغنا مثايله[/poem]

رد: يابو سعد
 

أخي مطر الدعدي

صح لسانك مدد بلا عدد

قصيده في منتهى الروووووووووووووووووعه

لله درك يالغالي


اطيب التحايا

رد: يابو سعد
 

رد: يابو سعد
 

رد: يابو سعد
 

صح لسانك يامطر الهذلي

وبيض الله وجهك

رد: يابو سعد
 

صح لسانك هذا الشعر اللي تطرب له الروح وصور وتشبيهات جميلة وخيال واسع وجمال آخاذ.

تحياتي وتقديري ،،،

رد: يابو سعد
 

لاخ بن عادي صح بدنك ولاهنت

رد: يابو سعد
 

صح لسانك على هذه الرائعه

ابداع بمعنى الكلمه وشعر حقيقي

تعودنا منك اخي الشاعر مطر الهذلي

الابداع والتفرد بالاسلوب ،،

اعذر كلماتي البسيطه التي لم توفي مدى اعجابي

بما قدمت صح لسانك مره اخرى ولك من التحايا اصدقها .

رد: يابو سعد
 

صح لسانك اخي مطر الهذلي

قصيده جميله

تحياتي

رد: يابو سعد
 

ماشاء الله تبارك الله

مطر الهذلي قامة شعرية أفتخر بها شخصيا يعلم الله


صح لسانك لين ترضى يامطر

مبدع وجزل

تقييم اعلى

تحية طيبة

رد: يابو سعد
 

رد: يابو سعد
 

صح لسانك وبيض الله وجهك


جزل ولا تضوي غير الجزله

مطر الهذلي ابدعت يالذيب

تحياتي

رد: يابو سعد
 

الاخ مايميزني لقب صح بدنك ولاهنت

رد: يابو سعد
 

رد: يابو سعد
 

الله الله اخوي مطر

صورة رسمتها وكأنها متمثله امامي الأن

يعطيك العافيه

تقبل حضوري

دمت بخير