|
شب الاتريك
السلام عليكم ورحمة الله وبركاته اقدم لكم هذه القصيده اتمنى ان ترضي ذائقتكم الشعريه سوالف الليل ابتدت شب الاتريك بـ اسهر معك ياضيف دايم يجيني . افرح بطاريك انت يازين طاريك وياسعد عيني يوم تكبر فـ عيني . بعطيك واخذ منك واقوم اراعيك تحتاج لي واحتاج لك ياضنيني . هبه من الله جيت والرب يعطيك والله عطاني منك شيٍ ثميمني . لك هقوةٍ فيه ولي هقوةٍ فيك ياسيفي اللي دايم في يميني . رفعت شانك وانت شانك معليك وحفظت قدرك وانت قدرك رزيني . اجود اطنابك واعلي مبانيك وافخر واماري فيك في كل حيني . حافظك مثل عيوني اللي تداريك ادراك كنك من حدا والديني . اي والله اني دايم الدوم حاميك وعز الله ان دونك مشمر يديني . وغيري يكسر فيك والا يذكيك ويقول انا راعيك لازم تليني . منته بسلعه كل سوام يشريك ولنته بلعبه في يدين المهيني . شيٍ عظيم ولعرفو وش خوافيك وانا عرفتك عرف علمٍ يقيني . ياكثر شعبانك وياكبر واديك مادلها الا كل شخصٍ فطيني . وياقو موجك يرتطم في شواطيك وياغزر بحرك يرهب العايميني . رافقتك وغيري رجالٍ تخاويك على النقا مافيه شيٍ مشيني . ياما بدعوا ثم ابدعوا في معانيك جابوا درر وتشوق السامعيني . سارت بها الركبان لربوع تغليك في وقتنا الحاظر وماض السنيني . وهذيل ربعي ترفعك ماتوطيك اهل الشعر والكيف واهل السميني . انا من اصغرهم وشفني مقديك وكبارنا عراف متمكنيني . من خلقت الدنيا وحنى نغنيك واجيالنا تنهل من الاوليني . وكلٍ يعرف الطيب داخل نواديك وسمعتك مثل النور دايم يبيني . لاكن حذرا اللاش يقرب نواحيك والهيملان السيع الظايعيني . اللي يفرح بك عدوك وشانيك واللي يضيق خاطر الفاهميني . هذي وصيه وانت توحي بذانيك افهم وصاتي وانت رجلٍ ذهيني . وسوالف الليل انتهت طف الاتريك خلاص روووح نام بكره تجيني . . . |
رد: شب الاتريك
عقيلي من هذيل.. . . صباااحكـ شعر.. وصح لسانكـ .. وابيض وجه.. . . جميل ماوجدته هنا.. وهذا ليس بغريب.. فانت من قبيله الشعر.. . . تقبل مروري .. ولكـ جُل احتراامي |
رد: شب الاتريك
الله الله يالعقيلي
يابعد راسي والله ابيات جزله وعذبه بعد وشامخه كشموخ جبال اجا وسلمى ممتعه من بدايتها للنهايه لاتحرمنا جديدك يالشغموم الهذلي اخوك / نواف الاشرم |
رد: شب الاتريك
الله .. الله
صح لسانك وبيض الله وجهك يا بو باسل عزالله ما فيك حيله قصيده شامخة ومفردات أصيلة كفو يالذيب أعجابي الدائم |
رد: شب الاتريك
الله الله ياوصل الله العقيلي
رساله كلها سمو قد تكون بعض مفرداتها ابتدائيه لكن اتصلت معانيها الجزله ببيانها وكانت وبكل صدق رساله معتبره ومفيده ومطابقه صح لسانك ياذيبان اطيب التحايا اخي وصل الله |
رد: شب الاتريك
وياقو موجك يرتطم في شواطيك وياغزر بحرك يرهب العايميني . صح لسانكــ |
رد: شب الاتريك
وسوالف الليل انتهت طف الاتريك كم كنت اتمنى ان لايطفي هذا الاتريك لكي لاتتنطفي الجزاله صح لسانك |
رد: شب الاتريك
مبدع يابو عقيل
مطلع وقفله غايه في الروعه سجل اعجابي ولكن الظاهر حرف الكاف سقط سهواً في هذا الشطر اليس كذالك (لك هقوةٍ فيه ولي هقوةٍ فيه) |
رد: شب الاتريك
ماشاء الله
لاهنت والله وصح لسانك حوار شعري أو بالأحرى رسالة إلى الشعر ذاته مبدع مبدع تحية طيبة |
رد: شب الاتريك
وسوالف الليل انتهت طف الاتريك خلاص روووح نام بكره تجيني , , , متى يجي بكرة وتشب الاتريك عقيلي صح لسانك وسلمت يمينك اشكرك واشكر روعتك لك احترامي |
رد: شب الاتريك
الله يبيض وجهك على هذه الجزاله الشعريه
الاتريك وشبيته وطفيته ما باقي غير الفانوس لابد تقبس ناره وتحياتي يابو عيضه |
رد: شب الاتريك
اقتباس:
. بيت رائع وبليغ صح لسانك يخويه لا عدمناك ننتظر الجديد تقديري لك ،،،، |
رد: شب الاتريك
صح لسانك يالعقيلي
وبيض الله وجهك قصيده جزله راقت لي كثيراً تحياتي وتقديري |
رد: شب الاتريك
الله 00الله
صح لسانك وعلا شانك جزل لاتجود الا بالجزل دمت مبدع يالصليمي |
رد: شب الاتريك
وسوالف الليل انتهت طف الاتريك // خــلاص روووح نام بـكــره تجـيــني أخي المبدع أبو باسل ننتظر غدآآ بكل شغف حين يعود لك غير مستغربه هذه الجزاله دمت بود ~ |
| الساعة الآن 01:42 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل