::{ مجالس قبيلة هذيل }:: موقع يهتم بتراث القبيلة ومفاخرها

لا تعتذر ما للهجر منك تبرير
صدك بليا ذنب والله ظليمه

ما صارلي بعدك يفوق أي تصوير
تجددت كـل الجروح القـديمه

بَعدك لعب بي هاجسي والتفاكير
وقلبٍ جريح وروح صبٍ مهيمه

ماغير أسلي خاطري بالمشاوير
أروح وأرجع والهواجس مقيمه

ياحبي اللي بين بيض الغنادير
لك في عروش القلب قدرٍ وقيمه

إن كان صدك ماخذك عني لغير
روّح ولو إن الخساير وخيمه

وإن كانها عني خذتك المقادير
فالعفو عند المقدره فيه شيمه

يا مرحبا والحب كله معاذير
تشفع لك أيام الغـرام القديمه

يوم الهوى لا زارني منك أعصير
أضم في صدري من أجلك نسيمه

واليوم أصبّر خاطر الوجد تصبير
وأقول صدك عقب وصلك جريمه

ولا جاك مني ياهوى البال تقصير
مواقـفي وياك والله عـظيمه

صخرت لك مشاعر الشوق تصخير
وأمطرتـك بحبٍ تقـفـاه ديمه

وظللتك بجفني وصارت مسافير
يوم الغـلا بين النديم ونديمه

واليوم ماتنفع كثير المحاذير
تفاغمت بين النفوس الحشيمه

عسى سنينك روض عشب ونواوير
محـدٍ لنفسه يرتضي بالهزيمه

إما تخاويني على الشر والخير
وإلا السلامه منك راس الغنيمه

مما راق لي..,