|
مليون تصرف في براطم بهيمه !!؟
صباح , مساء الشعر والنرجسيه
هذى القصيده تحمل معانى كثيره بما يجول فى هذا الزمن وخصوصاُ ( مزاين الأبل ) ام رقيبه أترك لكم القصيده ولكم حرية التعبير بـ الرأى ..! http://www.viafy.com/uploads/587b48802b.jpg البارحه مانمت ضايـق ومغبـون ............... عيو علي بالنوم نـاس غشيمـه ناسٍ بفعله تغضب الرب وشلـون ............... بأسبابها خشاش الصحاري سقيمه زملٍ عليه العفش ومحزم عيـون ............... قـام يتخبـط وانتثـر بالعتيمـه وين الرجال اللي من الله يخافون ............... وين الرجال اهل العقول الحكيمـه البل عطايا الله لها عشق مجنون ............... مـا غيـره زودٍ ونقـصٍ بقيمـه يامغلين الـذود تكفـون تكفـون ............... ما للفسـق إلا عواقـب وخيمـه مدري جهل بالديـن والاتعرفـون ............... والا هياط ونفعهـا ظلغيمــه تباشرو بيناتهـم جـاكم زيـون ............... كنّـه يبشّـر بالعـراق العظيمـه ناسٍ توكل طفلها خبز!! بـديون ............... ومليون يصرف في براطم بهيمـه إن كانكم للخير والطيب تشـرون ............... ياكثرهم أهـل البـزور اليتيمـه شوفو عزيزٍ داخل الحبس مسجون ............... مسجون من كثر الكرم والحشيمه وألا عجوزٍ ضامها الوقت والهون ............... ضناه واحد!! رافضاتـه حريمه الجود والاحسان والرفق والعـون ............... أربع ماهي بدروبكـم هالعقيمـه ياليتكم ناسٍ حريصيـن وعفـون ............... ولا نعمة تنكب عسى الله يديمـه انا بدوي في سلمنا حيل مفتـون ............... اذواد نملـك بالسنيـن القديمـه يوم إنها مابين طاعن ومطعـون ............... نـذود عنهـا ماخذوها غنيمــه يالايمي لو لك معاويـن ومتـون ............... ما زعزت شخص فرد بالشكيمـه الحمد لله دايـم إبليـس ملعـون ............... النفس تصبر لو ظـروف أليمـه تبطي ويبطي من بنا عمره ظنون ............... اموت لكـن ماتشـوف الهزيمـه مـنـقـــول |
رد: مليون تصرف في براطم بهيمه !!؟
يعني لو إن الناقة ب10 آلاف كان رضا الشاعر ؟؟
بالتاكيد لا !! هو يرفض الفكرة والمهرجان وهذا مبدأ عنده لكن أن يعتدي على أملاك الناس بحجة الفقر فهذا عين التخلف فيه ناس تشتري بانوراما وناس ماهي لاقية تاكل وناس تشتري غنم ب500 وناس ماهي لاقية تاكل الخخخخخخخخخخخخخ سنة الحياة ألف شكر يامخاوي الذيب ملاحظة حسنة القصيدة من وجهة نظري: أنها تذكر بالفقراء والمحتاجين خصوصاً ملاك الإبل |
رد: مليون تصرف في براطم بهيمه !!؟
مخاوي الذيب سلمت |
رد: مليون تصرف في براطم بهيمه !!؟
الشاعر يريد ان يقول لنا
ماهي الفائدة من هذه المسابقات شاعر العرب - فارس الصحراء- شاعر الوطن - شاعر المعنى - مهرجانات الابل هل ستسهم في نشر الاسلام وتوسعة رقعته في بقاع الارض ام انها ستعيد لنا العصبيات القبلية والخرافات والكذب في التصويت وغيره فكل من فاز في هذه المسابقات وربما نعرف بعضهم هو بعيد كل البعد عما ناله من هذه المسابقات ولكن اين اصحاب العقول السليمة |
| الساعة الآن 09:44 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل