التجارب
 

أعزائي الكرام
السلام عليكم ورحمة الله وبركاته
أعرض بين أيديكم هذه المتواضعة.. آمل أن تتقبلوها
[poem=font="traditional arabic,6,darkblue,normal,normal" bkcolor="transparent" bkimage="" border="double,6,darkblue" type=1 line=0 align=center use=ex num="0,black""]
أغرف من الوقت دامك فيه سيد = قبل لا يكوي معاليقك عطش
الزمن غيّار والعاقل يزيد = والذي ما زاد ما لام الغشش
لو ليالي العمْر ما فيها جديد = كان مات الحُرّ من زود الطفش
التجارب تخلق الراي السديد = والهوى أول مراكيبه لــوَش
يا مندّمني على الوقت الشديد = لو لفى مثلك تزلزل وارتبش
طمعةً في الوقت ما جابت مفيد = وانتهينا منه ولو كان انخدش
لا كتبها الله ولا نبغي الشريد = ولا تحسفنا على شوف العمش
حالي اللي تخبره عوَّد بعيد = شوكه واطيها من العام انتقش
كلها في عين أبو غالي جريد = القلايع والشقاير والحبش
ما حسبنا حساب للقرم العنيد = كيف نحسب للرخوم وللخيَش
احمد اللي أكرم الصايم بعيد = ما ينال الزود إلا من غبش
واحمد اللي قطَّع حبال الوريد= من حسود كلما قمت انفحش
واحمد اللي أظهر الوجه السويد= راح يلوي رقيبته كنّه حنش[/poem]

رد: التجارب
 

عليكم السلام ورحمة الله وبركاته حي الله ابو غالي وصبحك الله بالخير والرضا

لا كتبها الله ولا نبغي الشريـد
ولا تحسفنا على شوف العمش

حالي اللي تخبره عـوَّد بعيـد
شوكه واطيها من العام انتقـش

كلها في عين أبو غالي جريـد
القلايـع والشقايـر والحبـش


صح لسانك يابو غالي شاعر مافيك حيلة

رد: التجارب
 

رد: التجارب
 

لاهنت شاعرنا ابو غالي


وصح لسانك جزل


تحية طيبة

رد: التجارب
 

القصيدة حكيمة يبو غالي

صح لسانك و فكرك

و لكن الشطر

شوكه واطيها من العام انتقش

حاولت أقراه بلحن القصيدة ما قدرت

في النهاية

دوما أنت مبدع

رد: التجارب
 

احمد اللي أكرم الصايـم بعيـد
ما ينال الزود إلا مـن غبـش
واحمد اللي قطَّع حبال الوريـد
من حسود كلما قمت انفحش
واحمد اللي أظهر الوجه السويد
راح يلوي رقيبته كنّه حنـش


كنه حنش ..... هههههههه لله درك يابو غالي

رد: التجارب
 

رد: التجارب
 

رد: التجارب
 

الله عليك يا بو غالي


صح لسانك وبيض الله وجهك


شاااااعر جزل وقصيده جزله


جميل جداً ما وجده هنا

تقبل حضوري في هذا المتصفح الشامخ

تحياتي

رد: التجارب
 

صح لسانك ابو غالي

قصيده رائعه

وقافيه مميزه

يعطيك العافيه

رد: التجارب
 

صح لسانك يابو غالي

قصيده رائعه

اجمل التحايا

رد: التجارب
 

يا هلا وسهلا ...
صح بدنك يا بن العم...نوّرت المتصفح يا غالي
شاكر مرورك الكريم ..

رد: التجارب
 

عقيلي من هذيل..
أعتز بمرورك وإشادتك ..
صح بدنك يابن العم ..وجعلك ربي سالم

رد: التجارب
 

عماد الهذلي
تسلم ... وأشكر مرورك العاطر
دمت بخير

رد: التجارب
 

حيا الله أبو مقيت..صح بدنك يا رفيقي
أعتقد يا بو مقيت ان المشكلة اللي واجهتك في كلمة "شوكة"...
والسبب والله أعلم أنك نطقت التاء المربوطة... وأنا في كتابتي للقصيدة تعمَّدت كتابتها بدون النقاط "شوكه" لأن الهاء هنا شمسية تكتب ولا تقرأ..هاهاها.
أعتقد أنك لو قريتها بحذف التاء المربوطة يستقيم معك الوزن....
كل التحايا العاطرة لمقامك الكريم .