ألف طنّ
 

أعزائي الكرام ..

هذي قصيدة لكل ..

شايب ..

موظف..

سهران في ليلة ثلوث عند حلاله "معزى أو ضان"..وعنده صبي يمني أسمه أبو سامي


[poem=font="traditional arabic,6,darkblue,normal,normal" bkcolor="transparent" bkimage="" border="double,4,darkblue" type=1 line=0 align=center use=ex num="0,black""]
قرِّب البراد مني ما على الدنيا حسايف = زوّد السُّكَّر يابو سامي عسى همّي يـجنّ
دام حظي ما رماني غير بهموم الوظايف = والله لـخربها عليه بها السهر حتى يونّ
يا يعوضني بمنصب بعد هذا الحال كايف = وللى بترك هالوظيفة واقلب لحظي المجنّ
عزي لايامٍ توارت كنت فيها البيه نايف = قطّعتها صروف وقتٍ لا يروف ولا يـحنّ
جاهلٍ ما قد نظرت لأي حال بعين عايف = لن عيني ما تشوف الكون إلا بحسن ظنّ
كنت في الحارة أناقز فوق هامات السقايف = ما يرد خيول عزمي عن مرادي صغر سِنّ
كورةً "لا ردّها الله" ذرَّفت حوش الولايف = رحت أدورها وذا قلبي من النّكبات دنّ
قلت يا ويلي وقالت مرحبا وش فيك خايف = قلت خايف من علومي تختلف واللعب صنّ
قالت اركد يا بو غالي وسوقها علومٍ لطايف = قلت خصّي وانا اقصّ السالفة من كلّ فنّ
قالت علوم المطر؟ قلت المطر لقى التنايف = واتجه شرقي وعوَّد غرب وما ظنيت عنّ
قالت علوم الشعر؟ قلت الشعر لقى النوايف = دام ابو غالي معك يا شعر غنّ الكون غنّ
قالت علوم التجارة؟ قلت لاتطري السفايف = رزق ربي يقسمه، نرضاه لو هو رُبع شنّ
والثمر لا حلّ قطفه ما نوفّرها القطايف = ون قطفنا الورد بكرة لا تقولي "الذيب مَنّ"
يوم صار البعد عنها بُعد صكَّات الشفايف = باقي سِنَّة للروى، وذا "العنيد التو" يرنّ
"حسبك الله يالمنبه" ، أثر حلم الليل زايف = واثر قسمي في القرادة لو وزنته "ألف طنّ"[/poem]

وسلامتكم....

رد: ألف طنّ
 

رد: ألف طنّ
 

[poem=font=",5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كورةً "لا ردّها الله" ذرَّفت حوش الولايف=رحت أدورها وذا قلبي من النّكبـات دنّ[/poem]

//

ذكرني ببيت من قصيده للشاعر محمد بن فطيس المري

[poem=font=",5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
آحذف الكوره على بيته تعمد = لجل أجي واقول ماحد شاف كوره [/poem]

//

سلمت على ماجبت يابو غالي قصيده جزله

رد: ألف طنّ
 

رد: ألف طنّ
 

رد: ألف طنّ
 

ههههههههههههههههههههههههه

أجل طلع حلم يبو غالي

صاحب شعر و صاحب نكتة

لن ّ يني ما تشوف الكون إلا بحسن ظن

يا ربااااااااااااااااااااااا اااه على قول فارس عوض

و ليت العالم كله بنفس النظرة


ما يرد خيول عزمي عن مرادي صغر سن

ونعم يبو غالي و الله ونعم

/

يوم صار البعد عنها بعد صكات الشفايف / / باقي سنة للروى و ذا " العنيد التو" يرن
هههههههههههههههههه صراحة لو اني منك رميت العنيد 2 طوووول يدي
و الله يسامح اللي قال لك منت براعي غزل !

صح لسانك و فكرك http://hothle.com/vb/images/icons/98.gif

رد: ألف طنّ
 

قالت علوم المطر؟ قلت المطر لقى التنايـف
الله الله

صح لسانك

رد: ألف طنّ
 

صح لسانك وعلا شانك

قصيدة محكمة المبنى والمعنى

رد: ألف طنّ
 

هلا بك يا غالي...وصح بدنك..
أشكرك على هذا المرور العاطر..
دمت بخير

رد: ألف طنّ
 

تسلم يا رفيقي..وكل الشكر على إطلالتك البهية.
لكن تراني على نياتي ماني مثل ابن فطيس..
دمت بخير حال

رد: ألف طنّ
 

حياك الله يا بن العم...
صح بدنك وعساك سالم..
مرورك يا غالي أزهى وجه القصيدة
كل التحايا والتقدير

رد: ألف طنّ
 

يا هلا وسهلا بعز الرفيق...
إشادة أبحث عنها دائماً يا غالي... لكنها دلالة واضحة على انك..شايب..موظف..عندك صبي يمني أسمه أبو سامي...هاهاها
كل المودة والتقدير لك أستاذي الكريم

رد: ألف طنّ
 

حيا الله ابو مقيت...
أبشّرك رميت العنيد 2 طول يدي على وصاتك...والبارحة أحلم أني أدوّر على الكورة ..وذا العنيد 2 يقول "مرحبا وش فيك خايف"
الظاهر مالي فكة من القرادة..ههههههههههههههه
تسلم يا غالي على مرورك الزاهر..
كل الحب والمودة

رد: ألف طنّ
 

صح بدنك يا حماس..
شاكر مرورك العذب..
تقبل ودي وتقديري

رد: ألف طنّ
 

حياك الله يابن العم...
أشكرك على المرور ...وعلى هذا الدر المنثور...
لك تحياتي وتقدير