::{ مجالس قبيلة هذيل }:: موقع يهتم بتراث القبيلة ومفاخرها - لعشاق عبدالله المطرفي محاورتين بالداخل

هذه المحاورات منقولة من منتديات اخرى
واليكم هذه المحاورة التي اتمنى ان تحوز على رضاكم
حــبــيـــب الــعــازمـــي:

آخـــــــر الــلــيـــل نــســمـــع لـلـحـيــايــا وشـــيــــش =وشوشي ياحيايا وشوشي وشوشي
ليش بعض التصرف ياعرب ليش ليش =الهذيلي لقيته مع قريش اقرشي
عبدالله المطرفي :
طير ياطير ياللي مابقي فيك ريش =السما عاليه والدرب ماينمشي
انت يحكم عليك القاضي ابن دهيش =قاضي العدل لاراشي ولامرتشي
حبيب العازمي :
صارت المعركه والنار في راس فيش =وآخر الليل لابده يصير اخمشي
خل حكمه على اللي يشربون الحشيش =لاتحرك سبب مدفون ثم تبلشي
عبدالله المطرفي :
مابغينا لك اللي بعدها ماتعيش =وان تعدلت لاتفرش ولا تفرشي
عان عزبتك خلاها جملنا طشيش =منقطع راسها وبطينها محتشي
حبيب العازمي :
ناصبين الخيام اللي ذراها عريش =رشرشي ياسحابه فوقهم رشرشي
الجمل ملتو(ن) راسه وقلبه خريش =من دخل في الحبش لازم يصير احبشي
عبدالله المطرفي :
ياشبابه ترى راح العشا مع معيش =حششي ياشبابه بالفقع حششي
ناركم ياهل الفزعه حطبها قشيش =وازقلوا جوفها نظارة الاطمشي
حبيب العازمي :
ياخنادف شبابه يعرفون الغشيش =خيشي ياخنادف في الخلا خيشي
نارنا بالحطب تمحش عليكم محيش =وان زعلتوا حشيناها عليكم حشي
عبدالله المطرفي :
الصفا مانت لاقي منه زاد ومشيش =عرمشي ياسنون العازمي عرمشي
ليت نارك تشب وليت قدرك يطيش =بعد سقنا ذنوبك صرت ماتختشي
حبيب العازمي :
بعد دشيت حبك شيل حبك دشيش =لاتعود تقرمش حب ياقرمشي
ماش داعي نجيب سيوف ونجيب جيش =حربكم مايبا الا حذفة اهل العشي

وهذه محاورة أخرى للشاعريين عبدالله المطرفي وصياف الحربي

عبدالله المطرفي
مرحبا بالصاحب اللي غيبته منشود عنها
لو يطول الوقت كل(ن) دفتره موثق حسابه
ليه ياصياف مازرت اهل مكه في وطنها
وانت من ضاري صحيبي لين ضيقت الصحابه
صياف
البقا واللي يجيب الطيبه ياخذ ثمنها
كلمة(ن) يشهد لها التاريخ من شاعر شبابه
كيف ازور الصاحب اللي كل مكه ماسكنها
حفيت اقدامي وانا ادورك في ذيك الشعابه
عبدالله
انت تدري بالبدو يوم البدو قادت ضعنها
مير ماكنك قريت ولا تعلمت الكتابه
ياعميل الخير لو ان السيور احد(ن) دهنها
كان كل(ن) في هذاك الوقت يشعب في ركابه
صياف
مانبا شرب الديوس اللي ماندري عن لبنها
ذيب يعوي راس ضلع ونمر يوزر وسط غابه
مايصلى في الجنازه لين تدخل في كفنها
ثم من عقب الصلاه يحط للميت نصابه
عبدالله
والله انا محتزينك والذبيحه في صحنها
وحد يدري عن سنع صياف وحد(ن) مادرى به
خابرينك كل مايبدي شهر تآمر وتنهى
وانت شاعر حرب لاشاعر هذيل ولاعتابه
صياف
الحبوب اللي في راسك قبلنا ماحد(ن) طحنها
مير لاتسري مع الظلمه تعشاك الذيابه
انت عبدالله وعبدالله حياته ماضمنها
مير لاتسرع وتاخذ لك مع الخط انقلابه

تحياتي