::{ مجالس قبيلة هذيل }:: موقع يهتم بتراث القبيلة ومفاخرها

- مجلس المنقولات (https://hothle.com/vb/forumdisplay.php?f=65)

- - زوجه توصي زوجها قبل وفاتها (https://hothle.com/vb/showthread.php?t=4680)

زوجه توصي زوجها قبل وفاتها

[align=center]ترى الذبايح وأهلهـا مـا تسلينـي
أنا أدري إن المرض لا يمكن علاجه

أدري تبي راحتي لا يا بعد عينـي
حرام ما قصرّت يديـك فـي حاجـه

خذهـا وصايـا وأمانـه لا تبكينـي
لو كان لي خاطر ما ودي إزعاجـه

أبيك بـ يديك تشهدنـي وتسقينـي
أمانتـك لا يجـي جسمـي بثلاجـة

لف الكفن في يديك وخل رجلينـي
ما غيرك أحد كشف حسنه وإحراجه

أبيك بالخيـر تذكرنـي وتطرينـي
يجيرني خالقـك مـن نـار وهاجـة

سامح على ما جرى ما بينك وبيني
أيام نمشـي عـدل وأيـام منعاجـه

عيالي همي وأنا اللي فـيّ يكفينـي
علمهـم الديـن تفسيـره ومنهاجـه .[/align]