::{ مجالس قبيلة هذيل }:: موقع يهتم بتراث القبيلة ومفاخرها - قصيــــــــــــــــــــــ ــــــــــده

[poem=font="Simplified Arabic,4,black,normal,normal" bkcolor="transparent" bkimage="backgrounds/11.gif" border="outset,4,blue" type=0 line=0 align=center use=ex num="0,black"]
ياسعيـد جـدك مستحقـن زيـارة=لوكان جدك من وراء نجـد وبعيـد

من دونهم نجـدٍ وسيـع الفقـارة=مخلي سمان البل مثـل المعاويـد

يضيـع طرقيـه بتالـي نـهـاره=ولامن معازيـبٍ ولامـن مواريـد

لكن الك ياسعيـد عنـدي بشـارة=حرالحرار معرب الأصـل ياسعيـد

الأبيـض اللـي يستـرد بحَمـاره=كفوف بنتٍ خضبـت ليلـة العيـد

ماردهاالشاوي على بيـت جـاره=ولايعرف الحلـة ولايعـرف القيـد

كوعه من الدرهـام ماحـك زاره=وترايبـه مثـل الطيـور الملابيـد

من الحساء مسـراه وأول نهـاره=راعيه يشوي خبزته قبلـة حويـد

أفطروعيـن خيـر هاياخوسـارة=ثم واصل الرحلة عسى عزمك يزيد

وأخرنهـاره وأول الليـل غــارة=خله على وجهه مثل ذايـر الصيـد

وصلت خرص وشفت قدمك سمارة=ضلعٍ يسمونه حضن فيـه أجاويـد

خله على يمنـاك وأجنـب يسـاره=وصلت شعرهذيل وأفلحت ياسعيـد

نـوخ قعـودك عندبـاب العمـارة=وأقلط على جـدك وحبـه تراديـد

تلقى أبيض اللحية على جال نـاره=يوم اللحاف أضفى على كل هربيـد

يعطيـك فنجـالٍ كثيـرٍ بـهـاره=هيل الهنود اللي سـوات العباريـد

ومن بعده الهرفي تسمـع خـواره=قدام يقطع رأسـه العـود ويعيـد

قِـدَم عليـك وعندذيلـه غضـارة=فيها حليبٍ من أمهـات المفاريـد

تعـش يـاراع القعـود النـعـارة=تستاهلـه ياقاطـع الـلال والبيـد

وارتاح عند العـود ليـل ونهـاره=والليل الأخـر ودع العـود ياوليـد

لياشفت قرص الشمس مثل الشرارة=نفذ كموم الثـوب عـن العجاريـد

حتى تمس حبـال كـوره شطـارة=ولويجفل الحاشي حبالـه مجاويـد

وأرو الصميـل ولايغـرك بصـارة=لاينثرالماء عنـك حلـو القراهيـد

أبـوك منتظـرك وطـال انتظـاره=ومكمل الرخصـة ولافيـه تمديـد [/poem][align=center] مناسبه القصيده كان الشاعر مشخص دحيم الهذيلي البقمي كان موظف في الاحساء وكان مشتاق لقريته شعر وذات يوما شاف ولده سعيد يلعب فقال القصيده [/align]