::{ مجالس قبيلة هذيل }:: موقع يهتم بتراث القبيلة ومفاخرها - يامرحبا ترحيبة البدو بالبرق***اللي لهم عامين مارحبوبه

حبيت اقدم لكم احدى قصائد محمد بن فطيس التي اعجبتني واتمنى تنال اعجابكم

يامرحبـا ترحيبـة البـدو بالبـرق
اللي لهم عاميـن مـا رحبـوا بـه
رحبه اوسطهم ومن فرحته غـرق
جفنه بدمـع بلـل أطـراف ثوبـه
البرق شرق وهو له صويحب ٍ شرق
وبرَق وصـدره بـارق ٍ مادروبـه
ياللي سرقت النوم والعافية سـرق
يازاد قلب اللـي هـواك وحروبـه
تغيب ماهمك وأنـا ألاحـي الـورق
ولا تخـاف مـن الجفـا والعقوبـه
الوصل مرهم كبد وإلا الجفا حـرق
والصبر ينفض في غيابـك جيوبـه
كسرت كل أبواب وصلك من الطرق
وغيرك طرق قلبي ولانـي بصوبـه
واللي يريد الوصل يامكثـر الطـرق
لو وقفوا كل العـرب فـي دروبـه