ليش نتكبر ؟
 

http://www.hothle.com/vb/uploaded/309_11.gif


قصيدة أهديها لكل معلم .....وهي على فن الشقر


[poem=font="Times New Roman,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ليش نتكبر وكلٍ يفتّل شاربه = والمنايا كاس والخلق كلٍ شاربه

والأمل مثل الشجر حطوا المنشار به = والزمان يدور والله يفعل ما يريد


البحر غدار لو خوّن البحّار به = والصديق اللي يخوّن صديقه حاربه

والذي يعزم على الصدق لا ما حار به = والزمان يدور والله يفعل ما يريد


والغريق اللي صنع بالحماقة قاربه = أبعده عني ومهما حصل ما أقاربه

علة الرجال من صحبته وأقاربه = والزمان يدور والله يفعل ما يريد


يتعب الانسان فالعلم يفنى ما قضاه = لكن اصبر للقدر حكمة الله مع قضاه

كل شي بمجتمعنا فسد حتى القضاة = والزمان يدور والله يفعل ما يريد


المعلم أصبح اليوم مهدوره دماه = صار كلٍ ما يحبه بدون مقدماه

وش تبا بالعد لا من فسد فالعد ماه = والزمان يدور والله يفعل ما يريد


عكروا جوّه بعد كان جوّه في صفاه = ناس تسعى للعداوة ولا هي منصفاه

ما يهزك ريح يا صاحبي مثل الصفاه = والزمان يدور والله يفعل ما يريد


لا حشا ما للمعلم عداوة لا حشاه = مير يدفن للمعلم سمومٍ في حشاه

قاتله ماهو بكفوٍ ولو في ذبح شاه = والزمان يدور والله يفعل ما يريد


صارت الأقلام ضده والألسن والشفاه = ظالمينه ودّهم ينزلونه من شفاه

يا عسى من يظلمه ما يعجّل في شفاه = والزمان يدور والله يفعل ما يريد


ضاعت حقوقه وحدّه زمانٍ طال به = ومن تعاميم الوزارة تمرد طالبه

مالنا غير الكريم العزيز نطالبه = والزمان يدور والله يفعل ما يريد

[/poem]




وسلامتكم ...


أرجو أن ترتقي لذائقتكم

رد: ليش نتكبر ؟
 

صح لسانك يالشعيفي

قصيدة جميلة


تحياتي

رد: ليش نتكبر ؟
 

صح لسانك يبوعبدالله

والشقر سلاح ذو حدين

تحيتي

رد: ليش نتكبر ؟
 

لله درك يا محمد

لكن يا اخي لي بعض العتب . . . يوم انك ماشاء الله كتبت كل هالابيات و على الشقر

كان كملت و جعلت البيت الرابع مستقل و غير مكرر . . . استغرب بصراحة واحد ابدع في كل الابيات و يكرر شطر

على العموم . . . انت مبدع يالشعيفي . . . صح لسانك لين ترضى

رد: ليش نتكبر ؟
 

صح بدنك أخوي قرناس بني ياس


والله الجميل هو حضورك الدائم


فلا تحرمني منه




وفقني الله وإيااك

رد: ليش نتكبر ؟
 

صح بدنك يا خاااااال


على الأقل استطعت أن تكتب تعليقا

وأنا أراه أفضل من ( لي عودة بإذن الله ) :msn-wink:


بارك الله فيك

رد: ليش نتكبر ؟
 

رد: ليش نتكبر ؟
 

رد: ليش نتكبر ؟
 

صح لسانك يالشعيفي لين ترضى....
هذي ثاني قصيدة أقراها لك عن معاناة الوظيفة....يالله عسى خير.

يا أستاذ هونها وهي تهون.





[poem=font="traditional arabic,6,blue,normal,normal" bkcolor="transparent" bkimage="" border="double,4,blue" type=0 line=0 align=center use=ex num="0,black""]
صارت الأقلام ضده والألسن والشفاه = ظالمينه ودّهم ينزلونه من شفاه

يا عسى من يظلمه ما يعجّل في شفاه = والزمان يدور والله يفعل ما يريد[/poem]

لا تكون تقصد العسكر يا بن عمي..هههههههههههه

رد: ليش نتكبر ؟
 

صح لسانك وبيض الله وجهك قصيدة تدل على ملكة وصنعه بديعية
تحياتي وتقديري ،،،

رد: ليش نتكبر ؟
 

صح لسانك يالشعيفي


قصيدة جزلة وحبكة شاعر كبير

شكراً لك

رد: ليش نتكبر ؟
 

صح لسانك أخي محمد ولاهنت

مبدع

تحية طيبة

رد: ليش نتكبر ؟
 

صح لسانك يالشعيفي
دمت بخير

رد: ليش نتكبر ؟