قسوه
 

http://files.myopera.com/Farasha1/al...D8%A9%20...jpg

احدى قصائد الامير الشاعر خالد الفيصل


القصيدة بعنوان " قسوة "

ليه أذا حبيتك اكثر..زدت قسوه

وأن دريت بحاجتي لك...زدت جفوه

وأن عطيتك من حياتي ماتريده..ماكفاك

تحسب أن الحب...نزوه

والله أني ياأحب الناس..أحبك

والله أن الروح لو ترضيك..فدوه

والله أني تارك(ن) غيرك..وجيتك

مزعل الزعلان والعذال..عنوه

كل دقة قلب فيني لك قصيـده

تكفي الدنيا مع الأحباب غنوه

وكل هاجس مايجيب إلا خيالك

سلوتي بالعمر في صحوة وغفوة

أجمع إحساسي وأشواقي وأجيــــــــــلك

والبس ثياب الهوي والعشق كســـــــــوه

انتقيلك من سواليفي حسنها

والقصايد من غزلها...كل حلـــوه

وانثر العبرات والضحكات عندك

تاخذ اللي تلتقيلك فيه سلوى

وأذكر الله كل ماشاهدت حسنــــك

أشهــد إنك فوق عرش الزين ذروه

ماقصدت بكل هذا أتجمل..

أو اقول اني احق الناس حظــــــوه

أدري اني عادي ومافي ميزه

وادري اني كادحن..ماحاش ثروه

وأدري اني في خريف العمر ماضي

مابقي بيني وبين القبـــــــر خطـــــــــــــــــوه

لكن إني صادقن فيما أقوله

واطلب من الله عن الزلات عفـــوه

رد: قسوه
 

رد: قسوه
 

اختيار جميل وذائقه رائعه

واستاذنك في نقلها لقسم المنقولات

تحيتي

رد: قسوه
 

أختيار رائع
الف شكر
في الصميم والجرح
يسعدك ربي يامبدعه
تسلميــــــ^_^ـــــــــ،ن