محاورة للشاعر هليل السعيدي
 

محاورة بين هليل الحادري السعيدي الهذلي وحسن الحصان الثبيتي بديار ثبيت :

حسن :
سلامي عليكم يا نطوش العواني
عدد مزنة قادت وهلن مطرها

من الهاجس اللي فيه قاصي وداني
ليا جاب جابه ما يغاوي قطرها

هليل :
هلا مرحبا وأخذ البدل من لساني
ترى شرهة الغيبه على من حضرها

وأنا عندكم يا طيّبين المباني
رجالٍ دلايلها تقدي جبرها

حسن :
كحيل المسمى عندكم يا فلاني
مصلّب على حر تلاعب رسنها

مصلّب عليها بالحقب والبطاني
ولو طالت الايام يبدي خبرها

هليل :
توقع وقصّ الدرب يا مودماني
ترى العين كثر اللطم يعمي نظرها

كحيل المسمى ضايع فالمثاني
ذهيبتك دوّرها وتلقى ذمرها

حسن :
تحاوص وهي ملزومةٍ بالأذاني
وبنت الزنا سكينها في نحرها

أنا حالفٍ لصيح وأنخى فلاني
وأليّم رجالٍ ما تجي في صدرها

هليل :
تريد الخطا وتريد لك علم ثاني
رجال الخطا لن جات ما أحدٍ ذكرها

ترى أمّ الكباير تلعب الشقلباني
وما هو تعقب كيلها في ظهرها

رد: محاورة للشاعر هليل السعيدي
 

:46_asmilies-com: :46_asmilies-com: :46_asmilies-com:


محاوره رائعه جداً ومعاني جزله

من رجل مبدع جداً مشكورين يا ابو سعود

ولاتحرمنا من جديدك القديم

رد: محاورة للشاعر هليل السعيدي
 

تسلم اخوي هشام على هذة المحاورة الرائعه

رد: محاورة للشاعر هليل السعيدي
 

محاوره رائعه لشاعرين كبيرين


شكرا لك اخوي هشام على هذا المنقول الرائع








تحياتي ,,,

رد: محاورة للشاعر هليل السعيدي
 

الاخ صقر الهذلي

والاخ فارس الدهما

والاخ ابو سعد مشكورين على المرور