يا عذابي كل مـا حـان المغيـب
 

:sadwalk:

يا عذابي كل مـا حـان المغيـب
وارتسم لونه على لـون السحـاب
والهدو يطغى على الجو الرهيـب
هاضني شوفه وشرع كـل بـاب
واستثار الشوق جرح مستصيـب
وغنت جروحي على ليلي عـذاب
حولت بي كل هـم مـن شعيـب
واستباحت حرمة القلب المصـاب
وقامت الذكرى على قلبي تجيـب
الهموم اللي من اسبـاب الغيـاب
عزتي للـي مفـارق لـه حبيـب
واحد قلبي معه مـن يـوم غـاب
لا ذكرته تنزل دموعـي صبيـب
من سبايب خاطـر فالحـب ذاب
صرت كني لاجـي ولا غريـب
دور الماء ما لقى غيـر السـراب
العرب في سيب وآنا لـي فسيـب
ضاقت الدنيا بعينـي والرحـاب
من يقول ان دمعة الرجال عيـب
اشهد انه ماهو بحـول الصـواب
تنزل الدمعه غصب ماهو بطيـب
لجل من ترخص على شانه رقاب
لو يخيب الظن ظني مـا يخيـب
يلعن الحظ الردي لو يـوم خـاب
لو شربتك مـا رويتـك ياللبيـب
سل حال اللي غديتي لـه شـراب
لو حروفي فيـك يقراهـا اديـب
كان الف مـن معاناتـي كتـاب
ولو يردك عن بعادك شق جيـب
قلت يالمضنـون تفـداك الثيـاب
اسمعو قولي وانا ربـي حسيـب
دام ما فـوق التـراب الا تـراب
من مشى دربي ترى دربي صعيب
حيله يوقـف ويعلـن لانسحـاب
والحياه اقدار والصايـب يصيـب
كود ينفعـك الدعـاء المستجـاب
والمحبه اصلهـا حـظ ونصيـب
والهوى ما بين غربه واغتـراب
ومن يقول ان دمعة الرجال عيـب
اشهد انه ما هو بحول الصـواب

رد: يا عذابي كل مـا حـان المغيـب
 

رد: يا عذابي كل مـا حـان المغيـب
 

شروق الحرف الرائع والمعنى والاحساس كلمات في قمة الامتياز ,,,,صح لسانك وعلا شأنك ,,,, ما شاء الله تبارك الرحمن ,,,


سجل اعجابي بذائقتك ...وتقبل مرورري


خالص التحايا

رد: يا عذابي كل مـا حـان المغيـب