::{ مجالس قبيلة هذيل }:: موقع يهتم بتراث القبيلة ومفاخرها

1_ بسم الله الرحمن قبل التــــــهاليل
ولا اله الا الله أفضــــــــــل نطيقه

2_ والحمد لله خالق الصبـــــــــح والليل
وخالق لنا جنة وخـــــــالق حريقه

3_ ومن سار في درب العدل جاه تعديل
ومن سار في درب الأعاقه يعيقه

4_ الله خلق هالدين يسر وتساهيـــــل
ولا حمل الأنسان ما لا يطـــــــيقه

5_ ومن تاب سياته تبـــــدل بتحويـــل
وفالآخره كل(ن) يلاقي فــــريقــــه

6_ قد هاضني ياناس بعض الرجاجيل
يملك علــــوم متان ماهي رقيقـــه

7_ يملك من الأفكار مايقطع الميــــل
ومثل البحر يملك عـلوم(ن) عميقه

8_ دنياك ياشاعر كما نجمة سهيــــل
تبرق ليال ولــــيل يعتم بريـــــــقه

9_ أحذر كلام(ن) يدخلك وادي الويــل
وادي جهنم كيف عمقه وظيـــــقه

10_ دنيا بها المخلوق مسرا جماميــل
وأقدامهم دايم عليــــــها طليــــقه

11_ أغنم بها خمس(ن) قبل خمس تفصيل
الترمذي وأحمد رووه بوثيـــــــقه

12_ العمر قبل الشيب مع فترت الحيل
وأحذر يغرك عمر زهر الحديقـــــه

13_ والعافية قبل السقم والتعاليـــــل
والمال قبل يصير حبـــة دقيــــقه

14_ وأغنم فراغك قبل وقت المشاغيل
وأغنم حياتك قبل موت وشهيقه

15_ من عاش بالدنيا يشوف التهاويـل
واللي صبر في طاعة الله وفيقه

16_ ناس(ن) بها تقفي وناس(ن) بتقبيل
هذاك تاركــــــها وهــــذا لحيقه

17_ أحد(ن) على الدنيا ذكر جيل مع جيل
وأحد(ن) يجي ويروح مثل الدقيقه

18_ وأحد(ن) يحاربها دعايه وتمثيــــــــل
وأحد(ن) تبعها يحسبنها حقيقــه

19_ وأحد(ن) تعب من كثرة الحط والشيل
وأحد(ن) يعلقها سواة العليقـــــه
20_ وماينفع الندمان كثر التواوي
ــــــــــــل
ولا ينفع الطايش كلام اللبيقــــه

21_ وما جيت أغنيلي لحون ومواويـــــل
ولا جر صوتي مع نغام المسيقه

22_ شاعر وسامع جملة(ن) تعجز الكيل
واللي حفظها سهل الله طريقه

23_ قال النبي المصطفى خيــــر ماقيل
قـــل لا اله الا الله أفضل نطـــيقه

....( فيصل الهطلاني الرشيدي ).....