بيت القصيــد
 

بكل الود والتقدير
لعيونكم الغالية
أقدم
( بيت القصيد )

[poem=font="simplified arabic,6,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يامتعب الشعار يابيت القصيد=لولا تعبهم فيك ماجالك طراه
كم لي وانا ادور على معنى جديد=ماكل من دور على الطيب لقاه
لو كل من يحذف حصاه يجيب صيد=ماكان نحتاج البنادق والرماه
ولو ينصرف في البنك شيك بلا رصيد=كلٍ طمع في الدر الأصلي وإشتراه
لعيون من يبحث عن الدر الفريد=هذي وصاه لمن يحفظون الوصاه
يمكن ليا نصبت موازين العبيد=ترجح بميزاني ويكتَب لي نجاه
ايامنا ماكلها فرحه وعيد=وإن عشت يومك ماضمنت اللي وراه
والرجل مهما عاش في الدنيا سعيد=لابد مايحتاج ربعه واقرباه
لاتقطع ارحامك ويشملك الوعيد=ولاتخسر الغالي ولاترخص غلاه
واخوك لا تخسره لو إنه عنيد=يخطي مية مره وتسمح له خطاه
وإن كان شد الحبل حاول ماتزيد=ارخيه قبل الشد يوصل منتهاه
ولا تنصحه وقت الزعل مايستفيد=واعرض عليه النصح في ساعة رضاه
وليا طلب رايك عطه رايٍ سديد=وإن ماطلبك الراي لاتبحث خفاه
واعرف ترى قرب المنازل مايفيد=واحيان يبدي شي ماودك تراه
لكن لاتقرب ولا تنزل بعيد=خلك على قول المثل حذفة حصاه
واحفظ حبال الود حفظك للوريد=اللي معلق فيه موتك والحياه
ترى الأخو مهما حصل يبقى عضيد=وترى عيال العم ماعنهم غناه
الناس دايم ماتهاب اللي وحيد=اللي ليامنه وقف محدٍ معاه
لو كان في الميقاف عزمه من حديد=لابد بعض احيان ينزل مستواه
وخذ الحذر لو كنت في قصرٍ مشيد=الذيب لولا فطنته كلٍ رماه
لاتامن الدنيا لها مكرٍ وكيد=يمكن تحدك صوب شخصٍ ماتباه
إليا رمتك بوجه شيطانٍ مريد=طاغي ومتمسك بقانون الطغاه
ثبت عليه شهود والخالق شهيد=لا تندفع للشر وتسوي كماه
وإتبع دروب الحق عنها لاتحيد=ويبين راعي العرف من راعي العياه
ولا تكشف الحجة لزيد ولا عبيد=من يحسدون الرجل في زاده وماه
لاجوك قول الله يدبر مايريد=ولاتعرض الدعوة على غير القضاه
إلا على شيخٍ وله عقلٍ رشيد=وإلا على مطنوخ له منصب وجاه[/poem]

رد: بيت القصيــد
 

يشرفني ان اكون اول من يعلق على الدرة الثمينة من شاعر الحكمة

نصايح ثمينة لمن يسمعها احسنت في ترتيبها وتسلسلها اشكرك على القصيدة الرائعة وبالتوفيق

رد: بيت القصيــد
 

رائعة من روائعك أخي الغالي شاعر الحكمة ، قصيدة تنبض بالصور الشعرية والحكم والتجارب.
تقبل مروري وبالغ تقديري ،،،

رد: بيت القصيــد
 

لن أقول أنها قصيدة راعة وجزلة لأن هذا شيئ طبيعي وتعودناه من شاعر الحكمه
لله درك ياأبا ناصر وبيض الله وجهك على هذا السيناريو الجميل والرائع الذي لاتقنه سواك
صح لسانك وعلا شانك دمت متألقاً

رد: بيت القصيــد
 

صح السانك حتى ترضى لله درك نصائح وحكم لا يبدعها الا مثلك وشرواك يابو ناصر

رد: بيت القصيــد
 

رد: بيت القصيــد
 

صح لسانك يابو ناصر

ولي عوده بأذن الله

رد: بيت القصيــد
 

رد: بيت القصيــد
 

ماءشاء الله تبارك الله

صح لسانك

وفقكم الله ورعاكم

رد: بيت القصيــد
 

مرحبا بالشاعر الرائع دائما الشاعر عبدالله الطلحي الهذلي .. شاعر الحكمه ..

التألق والسمو هو عنوان حضورك دائما


اشبعتنا شعرا وحكمه من خلال هذا النص الجميل


وكلامك هو عين الصواب وكل العقلاء مثلنا يتحصن بمثل مأشرت به

انتقيت لنا اجمل المفردات والجمل

انت شاعر لن يتكرر مثله

اخجلتنا بتواضعك وابهرتنا بثقافتك وادهشتنا بجمال افكارك

نشكر لك وفائك للحرف وللحكمه

صح لسانك يابو ناصر لله درك

تحياتي

رد: بيت القصيــد
 

اعلى تقييم للقصيده ولشاعرها

رد: بيت القصيــد
 

هلابك ياشباب
أشكرك من الأعماق
على عذب الكلام والمبادرة الرائعة
وأنت دائماً الأول

رد: بيت القصيــد
 

رد: بيت القصيــد
 

هلا وغلا بالغالي
أنت بالذات ياحامد لحضورك نور
أفتخر بكل كلمة كتبتها
لاعدمتك

رد: بيت القصيــد
 

بيض الله وجهك يابو ناصر على هالنصايح الثمينه اللي ضمنتها في هذه الدره .

تحياتي .