|
لو عزمة ضيف وصار هذا الموقف.....ماذا ستفعل؟
اخواني اعضاء المنتدى مسااااءكم...صباحكم سعيد اليوم أنا اريد أن اطرح عليكم موضوع من المواضيع اللي تدور في راسي ولا أعرف لها حل ارجو منكم التفاعل معه وان نتناقش على حسب المذاهب والعوايد والسلوم اللي بين قبائلنا قبائل اهذيل العريقة اللي أنا أفتخر أنني من صلبها وبين جنباتها ترعرعت المهم مالكم بطوال العلوم ... الموضوع وما فيه خطر على بالي خاطرة وهي من باب (لو) ولو هذي كما تعرفون تفتح باب الشيطان ولا حول ولا قوة الا بالله ....الموضوع هو( لو أنك عزمت لك ضيف وللنفرض اسمه زيد عزيمة خاصة له وعزمت معه اعيال عمك وجارك المهم العزيمة لزيد وبعد ما حطيت الذبيحة على السفرة وجيت تحي وتقلط الرجال على واجبه فجأة قال لك زيد *يالمعزب الذبيحة لي والا لجارك فلان أن كان لجارك أنا ما ابا اقلط وأن كان لي هذا الجار لا يقلط * أنت في هذي اللحظة ويش تسوي على حسب سلم العرب واعلوم القبائل هل تقول لجارك فمان الله مالك نصيب في الذبيحة ذي والا تقول لضيفك مالك عندي واجب والا وايش الحل وأيضا حط نفسك مكان الجار ما ذا ستفعل تروح وتترك العشاء وال تقلط وطنش زيد ؟.. ارجو ان يكون النقاش بكل جدية لأنه عندي عدة مواضيع بنفس الموال... ابو فارس |
رد: لو عزمة ضيف وصار هذا الموقف.....ماذا ستفعل؟
حياك الله يا ماجد العميري سوال هل الضيف زيد يعرف الجار سابقا او لا على ضوء اجابتك يتم تحديد حل الموقف0 دمت بخير |
رد: لو عزمة ضيف وصار هذا الموقف.....ماذا ستفعل؟
اقتباس:
اسعدني مرورك |
رد: لو عزمة ضيف وصار هذا الموقف.....ماذا ستفعل؟
شف يالحبيب
أولا :الله لايحطنا في هالموقف لأنه ألإثنين من الثلاث البيض. ولكن إن تنازل واحد منهم عن مقداره لايلوم إلا نفسه ثانيا : المعلوم إن الضيف في حكم المعزب ومن قلة ألأدب إن الضيف يتعمد إحراج معزبه لأي سبب من ألأسباب فطالما المعزب رحبك يالضيف وقدم لك واجبك الواجب إنك تحترمه وتقدر إلي سواه, مهما كان بينك وبين الجار وإلا ضيف من الضيوف الموجودين ثالثا: من المعلوم ان الضيف له نصف الذبيحه فبإمكان المعزب يبشر جاره عن الغلطه إلي جاته من ضيفه ويقلط الجار مع المعزب على النصف الآخر للذبيحه , ولكني لا أئيد هذا الحل , لسبب , ان الضيف عابر والجار مقيم وله الأفضليه. رابعا الحل ألأمثل لهالموقف وإلي أشوفه ألأمثل هو ألآتي: اقل للضيف سلامات يابو الشباب وش جاك من جاري يوم تمنعه عن الكرامه إن كان جاك منه شي ولا تطلبه في حق فهذا معدالي عن جاري باللي يثبتلك عنده , فقط ولا أطالبه بمعدال لما بدر منه بل اتركه حتى يقطع الزاد بزاد وأدور حقي عنده وحق جاري كمان. إن رضي وأخذ المعدال فبها ونعمت مشكله أنحلت والشيطان مدحور , ويبقى لي حقي أنا يالمعزب آخذه منه إن أردت بعد يقطع الزاد بزاد وإلا سامحته . وإن رفض ياخذ المعدال , أعطيتبه الباب وأستبقيت جاري وإذا له حق عندي يطلبه بالمذهب وأنا أقابله فيه. يبقى الجار : الجار في هالوقت ينصت ويشوف جاره وش يسوي إن تصرف باللي ذكرته فبها ونعمت ويعرف إن جاره ماترك حقه وقدره وإلا يدافع عن نفسه وليس للفراش هنا أي إعتبار لأن الفراش إللي مايحمي ضيوفه ماله عند الرجاجيل مسعار. وياكم من فرش أعرفها ماحمت ضيوفها وأهلها يهايطون على الفشيله دمتم بحفظ الله ورعايته |
رد: لو عزمة ضيف وصار هذا الموقف.....ماذا ستفعل؟
اقتباس:
معرفة الضيف بالجار سواء كانت مسبقا أو على الفراش ماله دخل, لأن المعدال ضامن للحق سواء كان يعرفه أو لا . ولكن لو قلنا إن المعزب يعرف إلي بين الضيف وجاره نقول هنا إن المعزب تعمد تقريب النار من الوقود ,فلو قلنا يعني مايعزم جاره ,نقول لاء يعزمه ويبين له يقول ترى عندي الليله عشا وضيفي فلان والجار إذا كان يخبر الي بينه وبين الضيف وهو فيه خير ماراح يجي ابدا وإلا . إن جاء يحط في باله إنه ممكن يجيله زله وهنا له حدود لايمكن يتعداها بأي سبب من الاسباب |
رد: لو عزمة ضيف وصار هذا الموقف.....ماذا ستفعل؟
حياك الله يارزق الله الزيداني ماشاء الله عليك الله في خاطري جبته ونشوف راي الاخوان الاخرين 0 موفق خير |
رد: لو عزمة ضيف وصار هذا الموقف.....ماذا ستفعل؟
حياك الله يا أستاذ ماجد وحصلت مثل هذه الحالة لدى أحد المعارف وكان جوابه ذكيا جدا وعالج المشكة حيث أجاب ضيفه هذا واجب نهو واجبك وواجبك جاي في الطريق وقلط من حضر عنده ، والضيف الأساسي جالس وأرسل له واحد وذبح ذبيحة ثانية وقلطه عليها على وقت العصر. وأميل لهذه الفكرة لأنها تخرجني بأقل الخسائر فلا أنا خسرت ضيفي الأساسي ولا الجيران ومن حضر في السدة والبيت له حرمة عظيمة وواجب ، ولا بد من سعة بال المعزب ، ووضع الحلول التي ترضي كل الضيوف ولو على حساب المعزب.
تحياتي الطيبة ،،، |
رد: لو عزمة ضيف وصار هذا الموقف.....ماذا ستفعل؟
اقتباس:
|
رد: لو عزمة ضيف وصار هذا الموقف.....ماذا ستفعل؟
اقتباس:
|
رد: لو عزمة ضيف وصار هذا الموقف.....ماذا ستفعل؟
نسأل الله السلامة إذا فيه ناس تسوي كذا !
شكرا ً أخي ماجد . |
رد: لو عزمة ضيف وصار هذا الموقف.....ماذا ستفعل؟
افا فيه ناس بهذا التفكير ...........!!!!!!!
لاحول ولاقوة اباالله |
رد: لو عزمة ضيف وصار هذا الموقف.....ماذا ستفعل؟
عني أنا أشوف إن الضيف له حقوق وعليه حقوق
واحترام راعي البيت وضيوف راعي البيت واجب على الضيف وجار المعزب صار ضيف في حلة المعزب ومن سوء الأدب والوقاحة إن الضيف يقول : ما أبغى جارك يتعشى من واجبي وهذي هي اللي أشوف إنه فيها حق على الضيف للمعزب وضيوف المعزب ولو كان ضيفي نفس ضيف زيد بخجل من نفسي لأني اعطيته قدر وقيمة قدام ضيوفي وهو مو أهل لها هذي وجهة نظري ماجد العميري طرح رائع وجهد موفق بإذن الله أشكرك لك احترامي |
رد: لو عزمة ضيف وصار هذا الموقف.....ماذا ستفعل؟
لو كنت في محله بسوي مثل ماذكره الأخ أبو خالد في سالفته
تحياتي . |
رد: لو عزمة ضيف وصار هذا الموقف.....ماذا ستفعل؟
الله لايحطنا في موقف مثل هذا الموقف
اشوف ان من ناحيت السلوم مثل ما قال ابو جهاد اعدل بمعدال من دون الجار .. لكن بعض الناس يحلها بشكل ذكي وسريع مثل قصة قريب ابو خالد .. ابو فارس شكراً |
رد: لو عزمة ضيف وصار هذا الموقف.....ماذا ستفعل؟
اقتباس:
الضيف ردني عن مشاركته واجبه ) والله مايقلط معي . ويجلس عاد المعزب مره يكذب عشان الضيف ومره يكذب عشان جاره , وانتم بكرامه الغريب في ألأمر كون أن الكذبه اليوم تعد من اقل الخسائر فالله المستعان شوف ونا أخوك كمى هالضيف لازم يلقى من يأدبه عشان يحترم الناس , صدقني لو سارت عندي لا أحشره الحشره إلي يتوب بعدها يستعزم عند أحد وإن غُصب على عزيمه يجي وهو بكامل أدبه . الحياه مدرسه وإلي مارباه ابوه يربونه الرجاجيل خل عاد إني ابعزمه مره ثانيه بالحرام ماعاد يطب بيتي يكون على الساقه ولا واجب له يخسى وانتم ماتخسون , إلي مايقدر الناس محد يقدره الله يا اضيفه ويقل أدبه علي ونا مكرمه وعلى ضيفاني كمان واهمهم جاري , ياويد لا والله امانيه مابفعل |
| الساعة الآن 07:30 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل