::{ مجالس قبيلة هذيل }:: موقع يهتم بتراث القبيلة ومفاخرها

- المجلس العام (https://hothle.com/vb/forumdisplay.php?f=4)

- - المدام وورقة المقاضي (https://hothle.com/vb/showthread.php?t=48404)

المدام وورقة المقاضي

موضوع لقيته في أحد المنتديات وبما أن اليوم الخميس فلا مانع من الضحك

اقتباس:

ياعالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها ..ما تدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. http://www.hawamer.com/vb/images/smilies/13.gif

المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل طيب هالبقسماط والصولجان وبقية الاسامي الصعبه لمين??

طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكاش ارسلنا حنيف يجيب بروستد وتهاوشنا على الثوم والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماتقضيت لمرتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكارثه ..اخيرا شفت ورقة المقاضي صدق.. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ما ناقص الابطل بلاك .. الى درجة اني رحمت يوم شفت سفرتنا ههههههههههههههه

المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه قسم تروعت وش ذا الكنافه الكذابه , انا اعرف الصادقه يوم اعرف الكذابه ??

واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه

الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض !!!

المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيل .. ويا عيني على استخدام التقنيه .. ورقة المقاضي صارت من العصر الحجري ..

الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس

وما قطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس

مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر http://www.hawamer.com/vb/images/smilies/12.gif http://www.hawamer.com/vb/images/smilies/12.gifويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه http://www.hawamer.com/vb/images/smilies/3.gif http://www.hawamer.com/vb/images/smilies/3.gif... عاد جزاها الله خير تفهمت الموضوع بشكل حضاري http://www.hawamer.com/vb/images/smilies/5.gif http://www.hawamer.com/vb/images/smilies/5.gif

للأمانه منقول

رد: المدام وورقة المقاضي

ههههههههههههههههههههههههه ههههههاي

الحمدلله على انعمه العزوبيه
مررررره حلوووووه

الله يعطيك العافيه يارزق الله

تحياتي لك

رد: المدام وورقة المقاضي

ههههههههههههههههههههههههه

افترت فيه

شكراً لك

رد: المدام وورقة المقاضي

أضحك الله سنك أخي الفاضل وبالفعل موضوع الورقة لا بد أن يمر على كل زوج ، وعلى كل زوج أن يتخلص من ربقة الورقة المسرفة إن أراد السيطرة على موارده المالية...
ومن الحلول للقضاء على الورقة وتحييدها تحديد مصروف معين لنفقات الشهر ، وإفهام ربة المنزل أن هذا المبلغ هو مخصص للمصاريف الغذائية وطلبات المنزل ، وتتم كتابة المقاضي للشهر منه وهذا مفيد من ناحية يعلم الزوجة بطريقة غير مباشرة التوفير والاقتصاد وحسن إدارة الموارد وعدم ارهاق الزوج بمصاريف ثانوية استهلاكية.
تحياتي وتقديري ،،،

رد: المدام وورقة المقاضي

وا عزي عزاه عن الزوج المسيكين

والله بعض اوراق المقاظي تثقل كاهل الرجل وتعسره الله لايعسرنا

شكرا اخي رزق الله على هذا الموضوع الهادف اللذي يناقش مشكله يشكوا منها بعض
الازواج

اطيب التحايااااا

رد: المدام وورقة المقاضي

اقتباس:

المشاركة الأصلية كتبت بواسطة مخــــ الــذيــب ــــاوي (المشاركة 529842)

هههههههههههههههههههههلو

حياك الله يامخاوي الذيب

ولاتضحك لجل إنك عزوبي بيجي يوم

وذاك تشتال فهالورقه وجيوبك ملي منها

رد: المدام وورقة المقاضي

رزق الله ..... هذا واحده جابت له الجنان
كيف الي ناوي الثانيه الله يعينه يبقى له
دفترابو مئه ودينا يشيل المقاضي فيها

ههههههههه

رد: المدام وورقة المقاضي

اقتباس:

المشاركة الأصلية كتبت بواسطة أبو رديد (المشاركة 529844)

ههههههههههههههههههههههههه

افترت فيه

شكراً لك

هيه إفترت وبس

لا وفي ألأخير لها ولأخواتها

طيب إفتكري السواق إلي جابلك هالمقاضي لو بطبخه من سفرت أخواتك

مشكور يابو رديد

رد: المدام وورقة المقاضي

كان الله في عون المتزوجين خلو النساء يسوقون وافتكو من مقااااضي البيت

رد: المدام وورقة المقاضي

يكتبون لي ورقة مقاضي طولها عشرة متر ، لكنها خالية من شيئين اثنين

أتعقد لاشفها في ورقة المقاضي :

1/ أسطوانة الغاز >>>>>>> آآآآآآه قمة الكآبه

2/ البيض ....ياناس والله ماينشال ، وربي يوم أشيل بنتي الصغيرة إني ماأخاف عليها مثل ماأشيل طبق بيض

ماغير أقعد أتنافض أخاف لايطيح ...لا ويبغاله معاملة خاصة وتفرد له مرتبه خاصه ويخلي عيونك " مفنجله " للخط

لاتاكل لك مطب أو حفرة وتروح فيها

اقتباس:

ههههههه...كأني أشوفك بعد شهر وأنت تطامر بها الورقة والأكياس

</b></i>

رد: المدام وورقة المقاضي

ههههههههههههههههههههههههه هههه

يعطيكـ العافية يابو جهاد ..

رد: المدام وورقة المقاضي

من حقها تطلب اللي تبي ادا ماطلبت منك من وين اجل؟
يحق لها تدلع اهلها
انت والفه عليك شاهي وقهوه سليق عافيه عليك واحمد ربك تربي ورعانك

رد: المدام وورقة المقاضي

الله يعينه وهذا حال اغلب المتزوجين تلاقين طالع شايل اغراض ونازل شايل الزباله اكرمكم الله
وين زمان يوم كانت هي الي تسوي كل شي تحطب وتسقي وتشب النار وتسوي العشاء للضيفان لاو وبعد بعضهن يذبحن الذبيحه ويسلخنها
ياعمي ماعاد في حريم خلني ساكت بس اخاف الحين تجي ام العيال ثم .....