::{ مجالس قبيلة هذيل }:: موقع يهتم بتراث القبيلة ومفاخرها

- مجلس الشعر الشعبي (https://hothle.com/vb/forumdisplay.php?f=15)

- - شباب اليوم (https://hothle.com/vb/showthread.php?t=48464)

شباب اليوم

لقينا شباب اليوم يبحث عن الفلة
لكن السعادة في الحيا مايحصلها
وانا اقول قهويني وقرب ليه الدلة
وانا افند الاحوال واعرف مشاكلها
صلاة الفجر محد ٍ يصلي صلاة الله
ولوهي بلوت يصير دايم مواصلها
وبعض البشر يبكي على الكم ويبله
على عشق فاني منيته ماتوصلها
ويكتب قصايد كلها ملح لابالله
يزيف شعوره والخريطة يفصلها
ترى الصدق منجاتك ليا ضاقت الحلة
ولاحجة ٍ تثبت بليا دلايلها
ليا كنت فاضي عندك الفرض قم صله
وبعد الفريضة جات حزة نوافلها
تنال الثواب وتوصل الدرب وتدله
وترتاح جدا ً بعد ما ضاع جاهلها
ورب الملا غفار يدمح لك الزلة
ولكن عقابه زلزل الناس زلزلها
تغانم زمانك وامش مسلم على الملة
وحذرى تنافق للوجيه وتمثلها
وخلك على الشدة كما السيف ابوسلة
عطيب المضارب والمواجيب كملها
ولاتصحب اللي في الشدايد لهم ذلة
ترى الخوف خصلة في البشر ماتجملها
كذا المرجلة يافلان ماهي كما الفلة
ولاني معزي قوم ضاعت مراجلها

رد: شباب اليوم

ولاتصحب اللي في الشدايد لهم ذلة
ترى الخوف خصلة في البشر ماتجملها
كذا المرجلة يافلان ماهي كما الفلة
ولاني معزي قوم ضاعت مراجلها

بيض الله وجهك ياشباب وصح لسانك جزله من شاعر جزل

فالك التوفيق

رد: شباب اليوم

وافية من رأس وافي وصح لسانك أبيات طيبة ،،،

رد: شباب اليوم

شبااب صح لسانك قصيده جزززله لاهنت يالغالي

ننتظر جديك

رد: شباب اليوم

صقر جبله اسعد الله ايامك وصح بدنك وسلمت وسلم غاليك

رد: شباب اليوم

ذكرتني ياشباب بواحد من جماعتنا الله يرحمه , جا الموت في غنمه وكن نفسه ضاقت من الوضع ويفكر في عياله ماعاد يبغون الغنم ولا اليره

وعاد قال قصيده فكاهيه منها

الغنم بــــــعد وقع بها الموت ... يالله أطب البلد والعب الضومنه والبلوت
وامشط الراس واحط تولوت ... ؟ ؟؟؟؟؟؟؟؟؟؟؟؟؟؟؟؟؟ أعتبيله جميع الزيوت

طبعا قصيدتك تحكي واقع نعيشه مع جيل هالأيام نسأل الله لنا ولهم الهدايه

رد: شباب اليوم

صح لسانك اخي شباب

قصيده جزله

جزيت خيراً

رد: شباب اليوم

الله الله الله

رائع بماتعنيه الكلمه ياشباب سلاسه وجزاله تشكر عليها

صح لسانك وفكرك

اقتباس:

ليا كنت فاضي عندك الفرض قم صله

بس اذا كنت فاضي ^_^

رد: شباب اليوم

حامد السالمي حياك الله يالذيب وسلمت وسلم غاليك والشر مايجيك

رد: شباب اليوم

الله يصلح الحال

صح لسانك و بيض الله وجهك

قصيدة جزلة

تحياتي و تقديري

رد: شباب اليوم

حكيمة من حكيم

و وافية من وافي

قصيدة تدل على التمكن

صح الله لسانك و فكرك

رد: شباب اليوم

مساعد الهذلي بارك الله فيك وحياك الله

رد: شباب اليوم

الزيداني حياك الله ومافي مناسبة تجمع ابياتك اللي ذكرتها مع قصيدتي شكرا لك

رد: شباب اليوم

صح لسان ولله درك على ها الحكم بيض الله وجهك

ودي واحترامي

رد: شباب اليوم

عقيلي من هذيل حياك الله وبارك الله فيك