::{ مجالس قبيلة هذيل }:: موقع يهتم بتراث القبيلة ومفاخرها - قصيده وطنيه .. لشاعر صالح بن رويجح الهذلي

- مجلس المنقولات (https://hothle.com/vb/forumdisplay.php?f=65)

- - قصيده وطنيه .. لشاعر صالح بن رويجح الهذلي (https://hothle.com/vb/showthread.php?t=49310)

قصيده وطنيه .. لشاعر صالح بن رويجح الهذلي

ياسلام الله سلام نعم به الجميع
الحضور من النشاما وحكام البلد
آل مقرن درعنا حزت اليوم الشنيع
يوم راع الاوله شد حيله واستعد

ذخر شيخً له فعول بدت في كل ريع
اذهل العدوان حتى على القمه صعد
عشت ياعز المواطن ويالسد المنيع
ياعوضنا فاربع ابطال والخامس فهد

في سنين موجزه شان دولتنا رفيع
مايظاهيها يابو متعب المحبوب احد
ايه ست سنين مرت بنا غيث وربيع
كل مقفى عام الاخر يباريه السعد

خادم البيتين عبدالله الشهم الشجيع
حب شعبه واغتنى الشيخ قدام الولد
والله انا نفتخر بك يابو الصدر الوسيع
انت صدرك شال شعبك وشعبك لك سند

حبكم في قلوبنا نحتفظ به مايظيع
انتم البيت الاساسي وحنا له عمد
منجزاتك يابو متعب مايحصرها المذيع
لو يسولف من نهار الخميس اليا الاحد

كم بنيت وكم عطيت الشيابه والرضيع
كم وكم ابلى المزارع وفي حكمك حصد
شعبك الغالي لاوامرك يالغالي مطيع
ياعسى عين ماتقبلك يعميها الرمد

نحمد الله في سلامتك يالحر الطليع
حمد من هلل وكبر وللخالق سجد
يوم جيت بخير وامرت بالخير السريع
كل فرد صار في خير وامان ورغد

الوفا ماهو بزبد على ناره يميع
الوفا لك عهد منا بلا حد وعدد
الوطن نشريه نشريه والله مانبيع
بيعة في اعناقنا صانها جد لجد

عاشو اخوانك هل المجد والساس المنيع
عشت ياسلطان سلطان ياوال العهد
عاش نايف ضد جرثومه تقرع قريع
امن الشعب السعودي وكلاً له شهد

ثم عاش امير مكه عمى الخصم اللكيع
خالد الفيصل وذا الشبل من ذاك الاسد
ولوزير التربيه قدم اللي يستطيع
طور التعليم وارسى ركونه للابد

واشكر اللي عن طريق الصداقه مايتيع
البلادي كفو صاحب ونعم ابو شهد
وصلت الدعوه ولا للصنيع الا الصنيع
والف شكر لكل من جاء وشارك واجتهد

ثم صلوا فوق من قام للامه شفيع
النبي الهاشمي هازم اصحاب العقد

... القيت هذي القصيده في ملتقى فرحة وطن بمناسبة شفاء مولاي خادم
الحرمين الشريفين اطال الله في عمره وتكريم مدرسة ابن رجب لطلابها المتفوقين على شرف
حضور امام الحرم المكي الشيخ \ خالد الغامدي

اطيب التحايا