::{ مجالس قبيلة هذيل }:: موقع يهتم بتراث القبيلة ومفاخرها - المسعودي و السواط + المسعودي و المطرفي .. حصري للمجالس

- مـجـلـس شــاعـر هـذيــل (https://hothle.com/vb/forumdisplay.php?f=154)

المسعودي و السواط + المسعودي و المطرفي .. حصري للمجالس

هذي بعض ابيات من محاورتين لشاعر الرمز واسطورة شعر المحاوره عبدالله المسعودي الهذلي رحمه الله
مع كلا من جارالله السواط وعبدالمعطي المطرفي في حفل زواج سعدالله العميري في قرية الراضه
الراوي ذكر انه كانت هناك محاوره في قرية القوبعيه فحفل زواج فواز بن فايز العميري رحمه الله
لشعراء اخرين لكن الجميع كان حاضراً بعد العشاء في قرية الراضه من اجل الاستمتاع بالشاعر الاكثر ابداع عبدالله المسعودي رحمه الله
حيث كان الكثير من عشاق فن المحاوره يسألون عنه وعن محاوراته ويحفظون كلامه
الشعراء الموجودين في هذه الحفله هم كلاً من ( عبدالله المسعودي . طلق السويهري .صالح بن رويجح المطرفي .
عبدالمعطي المطرفي . وجارلله السواط .و غيرهم سوف اذكر اسمائهم بعد التأكد )
طبعاً هذي البيتين من اخر الطاروق :

المسعودي :
يالقلوب اللي مطاولك المرض والسقم وني
والونين يزيد حالك حال مالك فيه حاجه
عان ابو عرام من عقب الدواء كيف ارجهني
من طبيب كل واحد يشكره على علاجه
السواط :
ما غدى لي دين عند اهل الشفا لا تمتحني
والسما مرقب على راسك يفجعك ارتجاجه
اشربو يخصامنا من كيل هيل وكيف بني
والمسافر كان سافر لاح شيبه في حجاجه

وهنا غير المسعودي وقال ضاحكاً انا باقف فصف العتيبي
وطلب عبدالمعطي المطرفي

المسعودي :
نادو ابو عاطي الله يعينه ويهديه
والحقيقه ودي اخذ علومه كلها
والله انه مايقصر معي لكن فيه
ردمه على حصاها طويلاً ظلها
عبدالمعطي :
من كتبله قسم قسمه لابده يحتريه
لو تقلي بعض ربعي وانا ما قلها
صاحبي لن باعني فالوازم مااشتريه
ليت خلاها جماله تراه اجملها

المسعودي :
انت ويش حدك فوق بن ماطر اللي تشتكيه
والحدود اللي بناها الجدود اتزلها
من يقول العيب فينا تراه العيب فيه
لو نهيت الروح عن مافعلت احسلها
عبدالمعطي :
انت مابك شيء لو تسلم اسحار الفقيه
انته غايه و اهل الاسحار هذا دلها
من تقدمني بيوم احتراني لين اجيه
لين اقله هات هذي والاخرى خلها
المسعودي :
ياطلق راع الذهيب اللي تبهذل مالقيه
خل بالك وانت عابرسبيل افطن لها
راعي الدكان لن جاه سمن يشتريه
وانت يالمسلم علاك الفريضه صلها

# تم تعديل كلمة مطابقك بكلمة مطاولك بعد التنويه من الراوي

... نتمنى من الاخوان البحث اكثر عن هذه المحاورات وتكملتها
.... اطيب التحايا