::{ مجالس قبيلة هذيل }:: موقع يهتم بتراث القبيلة ومفاخرها - خــــــــــــــــــــلان الرخـــــــــــــــــــــ ـــا

عجيب يا قلبي وعجبتك دوبك
مااشوف علم جايز لك ومعجبك

ياقلب حاسبني وحاسب ذنوبك
مدري بخلان الرخا وش مرغبك

وش ولعك في ناس ماقلدوبك
ولا ثمنواحقك وقاموا بواجبك

ربع يذريها الذرى عن هبوبك
خسران لو تشكي عليهم مصايبك

ان كان ماتلمس يدينك جيوبك
في ذمتي ما منهم اللي يصاحبك

وعند النهايه برقوا وضحكوبك
كم من ضحوك يستغيبك ويكذبك

اليوم صدقانك وباكر حكوبك
وبعد الرجا فيهم تكدر مشاربك

هراجة المجلس ليا ما لقوبك
شي يقولونه حداهم تنكبك

ومالوا بسوق المهزله ونزلوبك
ضعاف العقول اللي تسولف عن الدبك

يسبك اللي عاجز عن دروبك
لا فاعل فعلك ولاهو مجنبك

اعرف على جسمك تفاصيل ثوبك
واترك مذاهبهم وعزز مذاهبك