::{ مجالس قبيلة هذيل }:: موقع يهتم بتراث القبيلة ومفاخرها

- المجلس العام (https://hothle.com/vb/forumdisplay.php?f=4)

- - مرقة الهوى (https://hothle.com/vb/showthread.php?t=49627)

مرقة الهوى

هادا اليوم التاني لنمط رهيب في المطبخ

واقدملكم مرقة الهوى

وهي خفيفة بالمرة وطعمة مرة وكانوا اهل اول يسونها لما بيكونوا مشغولين وسموها مرقة الهوى عشانها بدون اللحم خاليه من اللحم يعني الواحد ياكلوه آكله خفيفة زي الهواء > وآه من الهوى ههههههههههههه

والمقادير برضها خفيفة زي الهواء وقروشك معاك حاكم كيلو اللحمة دحيييين شي يفجّع > نار يا حبيبي نار وسلمولي على الفول لانه بروتين برضه

المهم المقادير تروح لمخبز العزب وتسلملي عليه وتاخذلك عيش حب

وفحل بصل من البقالة وملعقة ملح وملعقة كمون مطحون وشوية فلفل اسود ولا تكتر منه ولا تصير الشربه حراق هههههه
وزبدة بلدي للكشنة ونص حُق صلصه

الطريقة

كشن البصل في الزبدة لمن تحمر وتصب عليه المويه وتفت الحب وتصب عليه المرق وتقدمها مع اللبن الزبادي
وقوامن قوامن ولا من شاف ولا من داري وبالهنا والعفية مرقة الهوى

رد: مرقة الهوى

تسلم الايادي يانمط رهيب

طيب متى تسوي دبيازه

مع قرصان مجرفه

رد: مرقة الهوى

ههههههههههههههههههه

اقتباس:

كشن البصل في الزبدة لمن تحمر وتصب عليه المويه وتفت الحب وتصب عليه المرق وتقدمها مع اللبن الزبادي

من وين جبت المرقه اللي صبيتها ؟؟ ما ذكرتها في المقادير

قاعد يطبق من جد..

بس لي طلب :

وصفة الفوفل.

بس بدون ريشه الله لا يهينك.

رد: مرقة الهوى

ربي يسعدك نمط رهيب

ولاتنسى الحلاوة تقلنا كيف نسويها . الطبطاب ج لجل العيد يابه

هههههههه

ودي واحترامي