::{ مجالس قبيلة هذيل }:: موقع يهتم بتراث القبيلة ومفاخرها

- مجلس المنقولات (https://hothle.com/vb/forumdisplay.php?f=65)

- - قصيده في شاعر الوطن (https://hothle.com/vb/showthread.php?t=49773)

قصيده في شاعر الوطن

بسم الله الرحمن الرحيم
هذي قصيده في شاعر الوطن سعود القت,كتبها الشاعر عبد الرحمن الميزاني,نترككم مع القصيدة,والتي عنونتها بعنوان
"انتـم بنـي شـلاح قـومٍ بواتيـر"

تفاخرو يامطير في شاعر مطيـر
الي على الشعـار فـاز بجـداره
جاب اللقب من بين كل الشواعيـر
واسم المطيري سجلـه بالصـداره
شاعر وطن ماهوب شاعر دنانيـر
ودايم على الطولات يرفع شعـاره
والمركز الاول نصيبـه ولاغيـر
مكتـوب بالدفتـر وبالاستـمـاره
وقصايده تطرب جميع الجماهيـر
ماهو من الي ياخـذون استعـاره
ياسعود بن رشيد مسيـت بالخيـر
يالنمر يالـي مـن سلالـة نمـاره
يابن الرجال النادريـن المناعيـر
اهـل الفعـول الطيبـه والوقـاره
انتـم بنـي شـلاح قـومٍ بواتيـر
عبـادلٍ فيكـم شمـوخ وسطـاره
وفيكم طناخة راس من دون تقصير
رجالكـم دايـم تقـادح شــراره
ولاجات للفزعه بوقـت المقاديـر
العبدلـي عشـاه يعطيـه جـاره
والا القصايـد واردات ومصاديـر
وابو عمر على العلا شـب نـاره
من منطقة جيزان جتنـا التباشيـر
لبَسك ابن ناصر وشاح الصـداره
اخذتها من دون رشـوه وتزويـر
مصدقه من عنـد اميـر الامـاره
وجيت بمطار العاصمه حزة عصير
حول بك الطيـار داخـل مطـاره
وقدامك المطران صفـو طوابيـر
قدام ضبط الوقت يعطـي اشـاره
يستقبلونـك بالـدلال المباهـيـر
وكلٍ فتـح بيتـه وجهـز وجـاره
تستاهل التكريـم ياشاعـر مطيـر
يالي على الشعار فـزت بجـداره

رد: قصيده في شاعر الوطن

صح السان عبدالرحمن الميزاني

ويستاهل المدح لشخصه سعود القت . وقبيلة الشلالحه تستاهل

اما شعريا فوجهت نظري انه لا يرتقي لتمثيل قبيله بحجم مطير الضاربه في التاريخ

لوجود الكثير من الشعراء في مطير افضل منه .

وشكرا لنقل. يابن العم

الهذلي الصعيري البريهي المطيري.

رد: قصيده في شاعر الوطن

ونعم بربعنا وعيال عمنا مطير

وعزوتنا عزوة خندف عزوه وحده

ومشكور على النقل وصح لسان الشاعر

رد: قصيده في شاعر الوطن

شكرا لك على النقل

رد: قصيده في شاعر الوطن

اقتباس:

المشاركة الأصلية كتبت بواسطة صدى الحق (المشاركة 544326)

وصح بدنك,ولاشك ان الشاعر سعود القت يستاهل المدح وقليلة في حقه هذه الأبيات,اما عن قولك ان الشاعر لايمثل قبيلة مطير فيكفيه شهادةحصوله على لقب شاعر الوطن,رغم كثرة المتنافسين,ولو فرضنا انه لم يأخذ المركز الأول فيكفيه شهادة اللجنة والتي هي اعرف مني ومنك بالقصائد,فكيف أستنتجت يالبناخي صدى الحق انه لايستحق تمثيل القبيلة--ولقد خالفت اللجنة بهذا الإستنتاج--فهل من الممكن ان تفيدنا لعلنا ان ننتفع بمالديك من درايه ومعرفه.

رد: قصيده في شاعر الوطن

حيا الله البناخي بن عادي,ولي الشرف بمرورك

رد: قصيده في شاعر الوطن

اقتباس:

المشاركة الأصلية كتبت بواسطة مساعد الهذلي (المشاركة 544382)

شكرا لك على النقل

العفو وشاكر لك المرور.

رد: قصيده في شاعر الوطن

الظاهر يابن العم كتبت في ردي هذي وجهت نظري

اما اللجنه فقرارها خاص بها مايخصني واللجنه لو اطلعو على شعراء
امطير لغيروا رايهم .