|
الدبيازه لعيون ابو مغبش
بعد السلام عليكم وكيف الحال وفي غيابنا ويش سويتم مدري على العهد والميتاق ولا بمواضيع رزق الله تسليتو اليوم بدي اقدملكم حلوى مكاوية دايمنها تتقدم أيام العيد لا تستعجلون وتقولون السوقدانه لا لا لا > سواقدان بالسوقدان ذكرتموني بكرتون أومادااان بالأومادااان ههههههههه ولا تقولولي الألماسية لا لا لا ولا رز بلبن لا لا لا ولا خُشاف لا لا لا ولا طبطاب الجنه لا لا لا هااادي الاكله هي الدبيازة هيا كلنا نصفق للاكله اللزيزة دي صفقا جماعيه ياهوووو *** صفقة جماعيه يا هووووو وهااادي الاكله مطلوبه من سيدي وتاج راسي ابو مغبش وبالهناء والعافيه لكل اعضاء الموقع وبدي احطلكم سلطانية دبيازه بعد ما ازبطها في مجلس الطبخ عشااان تدوقو وتدعوللي وتسيبووكم من الشعيريه بالسكر يا بدوووو ههههههههههههههههههه شكلي طولتها وهي قصيره وابهاتنا قالو حكايه المقص كلمتين وبس هههههههههههههه طيب ايش رايكم في الموضوع القادم نكمل الطبخه هههههههههههه عشان آخذ العضو المميز والموضوع المميز ههههههههههه واتمنى ايضا لقب الشاعر المميز اللي محتكره اخويه رزق الله لكن شكله حاشوفلي صرفه مع الشعر واصير شاعر ولا جسيس هههههه طيب أكيد طفشتكم عشان كدا نرجع لموضوعنا الدبيازة : تروحلك للنوري ولا المستهلك وتقله يسلم عليك نمط رهيب وتديله ورقة مقاضي الدبيازه : تمر أبو قلاده وقلادة واحده فيها البركة وسموه يا حبايبي ابو قلاده لانه حبات التمر منظومه في خيط > وهاادا ما تحصلوه في الحلقه يا اخوان تكفون هههههههههه ولوز بجلي وعشرين حبة هيل وعشرين حبه فستق وعشرين حبة بندق > مو بندقيه وتجيبولي الهورنيت حقت سلطان ههههههه ولا تنسووون معاااكم الزبيب الرازقي عشرين حبه والقعقع وشكلكم ما تعرفوه اللي هو الجوز وعشرين حبه سن العجوز > بس ما تروحلك تخلعلي سن بالزراديه لا ياخويه الله يخليك هااادي من حوايج الدبيازه وانا ماني مسئول عن اية عجوز يتخلع لها سن من سنونها بالزراديه ولا بالكلبتين أنا مالي شغل ولا اقولكم لا تسموها سن عجوز سموها باسمها التاني سموها الكاجو هههههههههه وعشرين حبة صنوبر واللي يوفر مصاريف يقلل من الصنوبر لانه سعر الصنوبر نار يا حبيبي نار ههههههه وبقي اهم شي للخلطه وهو قمر الدين والمشمش المجفف والتين المجفف ومدري تحصلو شي جديد منها مع المشاكل حقت فشار الضبعه قصدي بشار الاسد هههههههه دحين تنقعوا قمر الدين كم ساعه في مويه حاره لمن يلين ونحط المكسرات اول في القدر وتتحمس بالسمن البري وشويا زبده لمن تحمر وتتقمر مزبوووط وتاخذ اللون الدهبي بعدينه نحط قمر الدين والمويه اللي معاه في القدر مع بقيه الحوايج وعلى نار هاديه مروووقه بالمرة تتطبخ طبعا راقبو التقل حقها تبغوها تقيله لا تكتروا المويه تبغوها خفيفه قللو المويه والتقاله صنعه ههههههه بس في آوادم تفضلها خفيفه عشان تشربها زي العصير وناس تتقلها عشان تاكلها زي النواشف والنفس وما تريد السكر يا اخوان نحطه في الاخير مررره وانا دايمني اقسم الدبيازه في قدرين ادا استوت قدر اخلطها بالسكر وقدر لا آ لانه في ناس معاها سكر ومش ناقصة سكر لانه حلاهم زايد ههههههه ونمط رهيب يبغى سكركم مزبوووط يا سكر انتم هههههههههههه وهاادي الطبخه ابشركم انها تجلس معااااكم في التلاجه لمن تطفشو منها وما يتغير طعمها وما تخرب قوااامن يعني حقت عشرين يوم بالقليله وبالعافيه عليكم مطرح ما يسري يمري والموضوع حصري لحد ياخذه الا كامل لا يزيد ولا ينقص ويحوس الحسبه ومن حقي عليكم انكم تكتبوا اسمي وحصري لموقع هذيل ولا بعدبن اشتكيه وواديه في سين وجيم ههههههههههه يا اخوان لا تنسو تقييم الموضوع تروني تعبت عشان اطبخلكم اليوم حر وروح الدكان وخش المطبخ والمكيف خربااان والتقييم ببلاش زيه زي كلمة شكرا يانمط رهيب ماعليها جمرك هههههههههههه. |
رد: الدبيازه لعيون ابو مغبش
سلمت يانمط
طبخة مميزة من عضو مميز ومحبوب وهذا اعلى تقييم شكراً لك |
رد: الدبيازه لعيون ابو مغبش
ههههههه تستاهل التقييم مو عشان الدبيازة لا
عشان ونستنا بكلامك |
رد: الدبيازه لعيون ابو مغبش
اقتباس:
من كلامك مبين إنها لزيزه بالمره لكن أنا عمر أمي ماسمعت إن سن العجوزه يسموه كاجو ثانيا لخبطتنا الله يسلمك إلي يبغاها تقيله لا يكتر المويه وإلي يبغاها خفيفه يقلل المويه مي راضيه تركب معايه بالمررررره يانمط بالمره لاتقلي وقف السياره وأفتح الباب وقلها أركبي برضه ماراح تركب أنا عارفها من زمااااان مي راضيه تركب ولا راح تركب تتغلى يعني عدم المؤاخزه الله يسلمك الله يسلمك وشوكرن شوكرن وش رايك لو تجبلنا طريقه الكسكسووووه يارهيب إنته لا تقول جيبها إنته أصلي ما أعرف غير الرز بللبن |
رد: الدبيازه لعيون ابو مغبش
تمر ابو قلاده"لاتورط النسوان مع النوري هههههههههههه
|
رد: الدبيازه لعيون ابو مغبش
اقتباس:
|
رد: الدبيازه لعيون ابو مغبش
اقتباس:
|
رد: الدبيازه لعيون ابو مغبش
اقتباس:
شوف يارزق اسمي نمط رهيب مو نمط بس زي انته متلا رزق الله مو رز ههههههههه والله يرزقك قول امين ويوديك المدينه على رجووولك قول آمين كماااانه اقتباس:
اقتباس:
لا يا اخويه ماني فاضيلك اقعد على الرز ابو لبن ههههههههه |
رد: الدبيازه لعيون ابو مغبش
اقتباس:
مين قلك اني ابو رطهم ههههههههههههههههه وشوووكرن لك هههههههههههههههههههههه |
رد: الدبيازه لعيون ابو مغبش
اسمها ضرس العجوز وليس سن العجوز ...
رغم انها للناب اقرب ناب عجوز غورلا هههههههههه شجرة مباركة شجرة الكاجو جوزتها في وسط فاكهتها مقادير الدبيازة تساعد اهل الدكاكين على التخلص من المتبقي من بضائع رمضان طريقة رهيبه يارهيب دبيزلو ااا .. اعلى تقييم علشان قلايد التمر ههههههههههه شكرا |
رد: الدبيازه لعيون ابو مغبش
اقتباس:
أعلى تقييم لنمط رهيب عشان ماتزعل وبعدين الدعوه ماتحتاج جركن ومغراف تحتاج بس شرح بسيط الله يسلمك إلي يبغاها تقيله لا يكتر المويه ولي يبغاها تقيله لايقلل المويه هنا اللخبطه الله يسلمك سارت زي إلي يقول صبها واحقنها قالو التاني لا أحقنها وصبها والمعنى واحد شايف يانمط رهيب حتى الأمتال إلي عمال أجيبها من اللبن وحواليه عشان الرز ابو لبن هههههههههههههههه الله يوديك المدينه |
رد: الدبيازه لعيون ابو مغبش
اقتباس:
|
رد: الدبيازه لعيون ابو مغبش
اقتباس:
شووكرن للمرور تااني مره والتقييم وربنا يبارك فيك وملاحظتك على التقل والخفه دوبنا فهمتها ههههههههههههه وبراسل الادارة تعدل الكلمه وتستاهل طنجره دبيازه هديه ورحلة للمدينه معاااااايه تبغاها رجبيه ولا في ربيع الاول هههههههههه |
رد: الدبيازه لعيون ابو مغبش
اقتباس:
الله يسلمك الله يسلمك أسكت بغيت أقول الله يسلمك ياواد نمط خفت لا أوقع في مشكله مع ألإداره وندخل في التحكيم وألأساور والدبل ونا مني فاضي وبالنسبه للرحله نخليها رجبيه يابتاع الدبيازه |
رد: الدبيازه لعيون ابو مغبش
واحب ابشركم الموضوع داااا اخذ الموضوع المميز وانا واعوذ بالله من قولت انا العضو المميز
باقيلي الشاعر المميز آه يارزق الله محتكر الشاعر لكن صبرك عليه صبرك على الجسيس نمط رهيب حيخطف كل الأضواااااااااااااااااااا ااااااااااااااااااااااااا ااء واصير تلاته في واحد هههههههههههههه |
| الساعة الآن 12:15 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل