يافيصل اوصيك ...
 

يافيصل أوصيك

[poem=font="arial,5,white,bold,italic" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black""]

يافيصل أوصيك لاتلعب بك الدنيا=كم من لعوب بها واضحت تلاعب به

واحذر تغرك بزينتها وبهرجها= كم من عزيزٍ قبل يمسي تعشت به

لوكان ربي خلقها لجل نبنيها =ماكان يلقي بها الكافر ولا شربه

وأنا وانا ابوك قبلك شفت خافيها =وادري بها غبة من فرعها غبه

كم مرت ايام واحنا في رجاويها = مافاز فيها سوي اللي طايعٍ ربه

تري الليالي لها وجهين يافيصل=اغنم بها الخير واترك راعي النشبه

اللي ليا ضاق حالك غاب ماشفته=وان كان شفته سواة الحيد والصبه

واليا فرجها عليك الواهب الوالي=تلقاه جنبك يبيك تفرج الكربه

هذاك تركه غنيمه كان توحيني=ماالله يحدك عليه ولا علي قربه

واليا بغيت الغروس يطيب مجناها=تخير ارضك وراعي جودة التربه

ووثق الساس قبل تجود المبني=تري الفقير بوطنه يعاني الغربه

وابوك لاتحقره وامشي علي شوره=تراه رباك يوم ضروفهم صعبه

والحين يرجيك يومن لانت عظامه=اعطف عليه وترفق واحسن الصحبه

منته براد له المعروف يافيصل=لكن برّك ومعروفك تعجل به

عساك تكسب رضاه ويحفظك ربي=ويسخر قلوب كانت قاسيه صلبه

وانا يافيصل لو اتبع هاجسي بتعب= لكنّ هذي وصاتي فوقها عُربه

[/poem]

رد: يافيصل اوصيك ...
 

الله يرزقك بره ويقر به عينك

نصيحة ثمينة

صح لسانك

رد: يافيصل اوصيك ...
 

حي الله الاخ حماس سرني مرورك وطيب تعليقك
والله يحفظ لنا ولك وللمسلمين

طبت واكثر وصح بدنك

رد: يافيصل اوصيك ...
 

صح لسانك

الله يحفظه ويخليه لك

رد: يافيصل اوصيك ...
 

اخي برق الحيا صح لسانك
ورزقك الله بر ولدك
كنت أتمني ان تقول غبه من تحتها غبه وليس من فوقها
تقبل مروري وتقديري

رد: يافيصل اوصيك ...
 

معليش


القصيدة ماطلعة

بس كلمة يافيصل اوصيك

رد: يافيصل اوصيك ...
 

رد: يافيصل اوصيك ...
 

رد: يافيصل اوصيك ...
 

رد: يافيصل اوصيك ...
 

صح بدنك ولاهنت ويحفظك المولي كذلك يا انصاف قلم

رد: يافيصل اوصيك ...
 

صح بدنك ولاهنت اخوي سحاب الثلج
وامنيتك جاتك لكن للايضاح فقط كلمة فرعها= فوقها ( وتحت اخت فوق )
نذهب لمعني غبه =الغُبُّ : ماءُ مَدِّ البحرِ الطَّاغي على الشاطئ.
وللغبه معانن كثيره قد تكون النقمه والظلمه وهي مقاربه كثيرا لما اردته في العجز
شكرا لك اخي الفاضل وسرني تعليقك

رد: يافيصل اوصيك ...
 

سررت بتواصلك فقط حدثي الصفحه وشكرا

رد: يافيصل اوصيك ...
 

بارك الله فيك ووجهك ابيض ياخوي مشعل

رد: يافيصل اوصيك ...
 

رد: يافيصل اوصيك ...
 

ياهلا ومسهلا اخوي خضر وانت بالف خير وعافيه
شاكر مرورك العذب ودعائك الجميل
وتقبل كذلك وافر الاحترام والتقدير لشخصك الكريم