|
حب وفراق
دمع تحـدر فـوق الاوجـان دفـاق
جاراه حبـر فـوق الاوراق رايـق حبري ودمعي فالهوا صارن ارفـاق وكلن على كيفـه يصـوغ الحقايـق الدمع وضـح ماكتمتـه فالاعمـاق في ضامري وسط الضلوع الغلايـق صبرت واخفيت المحبـه والاشـواق لين ان نار الحب صـارت حرايـق ولولا ضلوعي ضبت القلب باوثـاق والا تـمـزع ماتفـيـد العـلايـق والحبر صاغ الفكر في بيض الاوراق تصريف هجس اللي به الفكر ضايق لي هاجس عاشق وللشعـر يشتـاق يلهيه نظم الشعـر ضايـق ورايـق ولي صاحب يسوى طويلات الاعناق وفي خاطري تفـداه كـل الخلايـق دايم على وصلـه معـذب ومشتـاق وياما على شانـه حسبـت الدقايـق عهـد المحبـه حافظينـه بميـثـاق مـادام روحـي مالفـت للتـرايـق واقسمت له باللي كفل كـل الارزاق اني علـى حبـه اصـون الوثايـق وعقب الغلا والوجد ومزوح عشـاق جار الزمان وصار بعض العوايـق وحل الفراق وصحت ياشين الافراق والقلب للهجـران ماهـوب طايـق ولو صحت لو ناديت والقلب خفـاق لو قلت انا المسروق والعشق بايـق حكمه وصارت للمحبيـن طـوراق وقول السديـري فالدواويـن فايـق (ياليت ربي ماخلق حـب وفـراق ) ليه الهواوي لا سمعهـا تضايـق ؟؟ منقــــــــــــــــــــــ ـــــــــــــــــــــــــ ــــــــــــــوله |
رد: حب وفراق
قصيدة جميلة
يستحق كاتبها الاشاده مشكووووور أخوي ابو يزيد على نقلها للمنتديات هذيل وياليت تطلعنا على اسم كاتبها للأمانه الادبيه وحفظ الحقوق |
رد: حب وفراق
يعطيك العافيه على النقل
قصيده فعلا جميله تسلم يالغالي |
رد: حب وفراق
صح لسان شاعرها
والله يعطيك العافية ياابو يزيد على اختياراتك والتي تدل على ذوقك الرفيع تحياتي لك أخوك ماهر الهذلي |
رد: حب وفراق
[align=center]يعطيك العافية وصح لسان قايلها
مشكوووووووووووووووووور[/align] |
رد: حب وفراق
تسلم يا ابو زيد
قصيده جميله جدا ياليت تجيب صاحب القصيده اقصد اسمه لكـــ اعذب التحايا واجلها متعب |
رد: حب وفراق
اشكركم على المرور
لاعلم لى بقائلها |
رد: حب وفراق
[grade="00008B FF6347 008000 4B0082"]يعطيك الف عافيه ابو يزيد
قصيده جميله وصح لسان قايلها [/grade] |
رد: حب وفراق
قصيده جميله
وصح لسان قايلها وتقبل مروري |
| الساعة الآن 10:57 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل