آه من قلبي
 

[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
آه من قــــلبي اللـــــي فيه مثل السعير=عــقـــب مــريت دار غــــاب ســــكـــانها
وأه من طرف أمسى عقب خله ســهير= ونفس من عقب فقـــده زادت احـــزانها
وآه من طير لج الصــــوت عند الغدير= زلــــزل الـــروح ليــــــن إخـتل مـــيزانها
وإن بغـيت أتحـرك ما قــويت المســـير= تضــــرب خيـــول هاجــــوسي بميدانها
مثل طــــير جـناحــه مايشــــــيله يطير= وإلادار هــديمه طــــاحــت أركــــانــــها
أوصويب ورى الغاره وجــرحه خطير= والعــدو مركـــــز البنــدق ونيشــــانها
أووحـيد من الأقــراب مــــــــاله نصير=حــــدّه الوقــــــت والـــدنيا وأزمــــانها
وإلاغصن تلوفه ريــــح صبح وعصير= أو غـــريب تمنــــى الــــدار وأوطــــانها
أوغــــــــلام ورى الحراس امسى أسير= غـــاب عــــن دار عــــاش بها وحيانها
عقب فرقـى خفيف الظل قـــــلبي حسير= صرت في شان وأهل الدارفي شـانها
يانســــيم البوادي لوتكــــــــــــــرّم تسير= خــــــذ رســــــاله وهذا وصف عنــوانها
تلتقيها بــــــوادي فــيه من كـــل خــــير= والبســـاتين مـــــالت يانـــــع أغصــانها
والزهــــور النديه فـــــــــاح منها العبير= كـل زهـــره تناجي ســـــاير أخـــــوانها
تلتقي الزين قــــــول له يالرسول البشير= القصـــــــيده بعدكــــم ضـــاعت أوزانها
قــــول صــــاحبك عقبك بين برد وهجير= مير عهد الوفــــــــــا والـــود ماخــانها
حـافظ الــــود غـــيرك مابقلبه خــــــشير= وأنت للنفس مشهاها وســـــــلطانها
خابرإنك عن الزينات ياشـــــــــــوق غير= وخـــــــــابرإنك من الأنــداد ريحــانها
منتـــظر عـــــودة الغيّاب مهما يصــــــير=هــم دوى للقلوب وكـــــل ســلوانها[/poem]

رد: آه من قلبي
 

وعليكم السلام ورحمة الله وبركاته
وصح لسانك يا ولد العم ، وقد أسهبت في تجسيد المعاناة الوجدانية ، وذيلت المعاناة بخارطة موجزة لطريق الخلاص والخروج من هذا النفق الذي تنظر من خلاله إلى بصيص بريق ناصع ، وقد أجدت وتميزت ، ونظمت الأفكار وسلسلت الأبيات.
تحياتي وتقديري لشخصك الكريم ،،،

رد: آه من قلبي
 

[poem=font=",4,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قول صاحبك عقبك بين برد وهجيـر=مير عهـد الوفـا والـود ماخانهـا
حافظ الود غيـرك مابقلبـه خشيـر=وأنت للنفس مشهاهـا وسلطانهـا [/poem]
,,
,,

صح لسانك آخوي جمعـآن
دائمـآ ننتظر ماتقدمه لنا بكل شوق
تحياتي لكـ ..

رد: آه من قلبي
 

صح لسانك وعلا شانك أخوي جمعان
أجدت وابدعت كعادتك

رد: آه من قلبي
 

صح لسانك ياجمعان


شاعر متمكن

رد: آه من قلبي
 

صح لسانك وعلا شانك ولاهنت

رد: آه من قلبي
 

رد: آه من قلبي
 

صح لسانك ولا هنت

رد: آه من قلبي
 

رد: آه من قلبي
 

رد: آه من قلبي
 

الله الله ياجمعان رائع وصح السانك ولك تحياتي

رد: آه من قلبي
 

صح لسانك جمعان
مبدع كالعاده
تقبل مروري وتحياتي

رد: آه من قلبي
 

اهات ومعاناة من القلب
الله يعينك
قصيدة جميلة ياجمعان صح لسانك

رد: آه من قلبي
 

صح لسانك ياخويه جمعان ..

قصيده معبره .. لا عدمناك

تحيه طيبه لك ،،،،

رد: آه من قلبي
 

صح لسانك ياجمعان

قصيده رائعه وابيات عذبه تحياتي لك ,,