رحم الله سلطان الخير
 

[poem=font=",5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
بعض الفراق افراق مافيه معواد=اركى على بيض القلوب وكسرها
طبع الحياه اجال والموت صياد=اختار من بين الكواكب قمرها
مرحوم ياشيخ(ن)لك الطيب منقاد=قود الرحول اللي تواصل سفرها
استودعك خلاق الانفس والاجساد=اللي على طيب السجايا فطرها
قضى حياته كلها جهد واجهاد=حتى بنى دار الكرام وعمرها
سلطان ياسلطان ياخير من جاد=من البشرمدة يده ماقصرها
يانجدة المضهودياضدالاضهاد=يامن سلب لب العقول وسحرها
تبكي عليك اجيال واشعوب وابلاد=وتبكي عليك ام الولد من قهرها
اللي بلاه اليتم واعياه الاجهاد=واليوم عاش ونعمة الله شكرها
صاحت وشقت ثوبها بين الاشهاد=وطشت خمايرها وشدت شعرها
اتعبت بعدك من يبي يقطع الماد=يمشي ورى خطوتك ويقص اثرها
حيث النوادر ماتكرر وتنعاد=النادره تفنى وتبقى صورها
في ذمة الاولاد واولاد الاولاد=تحطها نبراس في مدخرها
وبذمت الشعب السعودي والافراد=واللي من الامه لسانه ذكرها
امجاد ابوخالد مهي بية امجاد=امجاد في روس الشواهق حفرها
رسم لها رسم(ن) ثلاثي الابعاد=لين الصعيبه في يمينه صخرها
يوم انثنت جهزلها خرج واشداد=بعد استوت قدمه تعللى ظهرها
دحم بجنبه كل حاقد وحساد=وفصل لها ثوب الكرام وسترها
واضفى عليها عيدمن بين الاعياد=علق لها عقد الذهب في نحرها
من قو باسه سيف لرقاب الاوغاد=ومن طيبته سمح العقيده نشرها
للمجدصناعه وللعز رواد=وللليل عين(ن)ماتفارق سهرها
ماكل من يقدر على الجود جواد= ولاكل من رام الغنيمه ظفرها
لعل فاله جنة الخلد ميعاد=يسكن خمايلها وفية شجرها
قولوا معي امين ياامة الضاد=الله يرحم جثته في قبرها[/poem]

رد: رحم الله سلطان الخير
 

آآآمين


رحمه الله تعالى



مرثية ترقى لمستوى الشاعر عبيدالله المجيريشي

رد: رحم الله سلطان الخير
 

رد: رحم الله سلطان الخير
 

الله الله الله ...

صـــح الله لســـــــــاااانكـــ يا عبيدالله ..

واللهم آميــــــن ....


تحيه طيبه ...

رد: رحم الله سلطان الخير
 

0
0

صح لسانك يابو ســآمي
ورحم الله سلطـآن الخيـــر

رد: رحم الله سلطان الخير
 

لعل فالـه جنـة الخلـد ميعـاد
يسكن خمايلهـا وفيـة شجرهـا
قولوا معي امين ياامـة الضـاد
الله يرحـم جثتـه فـي قبرهـا

اللهم آمين ...صح لســــــــــــانك

رد: رحم الله سلطان الخير
 

اللهم آآآآمين

صح لسانك


اللهم اغفر ( لـ سلطان بن عبد العزيز ) وارحمه , وعافه واعف عنه , وأكرم نزله ووسع مدخله , واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس

تحياتي

رد: رحم الله سلطان الخير
 

لــعـــل فــالـــه جــنـــة الـخــلــد مــيــعــاد
يـســكــن خـمـايـلـهـا وفــيـــة شـجــرهــا
قـولــوا مـعــي امـيــن يــاامــة الــضــاد
الله يـــرحــــم جــثــتـــه فـــــــي قــبـــرهـــا



آآآآآآآآآآآآآآآآآآآآآمين يارب العالمين
اللهم اغفر لعبدك سلطان بن عبدالعزيز وأسكنه فسيح جناتك


صح لسانك يابو سامي
قصيدة شامخه بشموخ الراثي والمرثي
لاعدمناك

رد: رحم الله سلطان الخير
 

رد: رحم الله سلطان الخير
 

رد: رحم الله سلطان الخير
 

عبيدالله المجيريشي شاعر ذهبي بلا منازعصح لسانك مليار ورحم الله سلطان القلوب
صاحت وشقت ثوبها بين الاشهاد. وطشت خمايرها وشدت شعرها
كنت اتمنى ان لا تورد هذا البيت لانه ينافي أخلاق الاسلام ولقد نهى النبي صلى الله عليه وسلم عن النياحه على الميت ولطم الخدود وشق الجيوب ومهما كان فلا يمكن لموت عزيز او قريب ان يبرر فعل هذا الامر.
ودي واحترامي

رد: رحم الله سلطان الخير
 

صح لساانك يابو سامي

شاعر كبير ومدرسه شعريه

متميز في المحاوره او النظم وليس جديد اعجابي بشاعريتك الفذه

رحم الله سلطان الخير وشكرا لك على هذه المرثيه الرائعه التي تجلت فيها

مشاعر التوجد على رحيل شخص عزيز على العالم العربي والاسلامي تحياتي وتقديري ,,

رد: رحم الله سلطان الخير
 

سبحان من طوع لك الحروف تكتب فيها ما يطربنا حتى و إن كان رثاء !

رحم الله سلطان الخير

نص يليق بك و يليق بالمرثي

رد: رحم الله سلطان الخير
 

رد: رحم الله سلطان الخير