عامنا الاعجوبه
 

بسم الله الرحمن الرحيم



[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ايامنا واخبارها المقلوبه= دارت على الشبان والشيابي

لكن هذا العام فيه اعجوبه= وفي ما يلي نشره عن الاسبابي

عامل فقير وحيلته مغلوبه = مجبور يدفع قيمة الاتعابي

النار من جسمه بدت مشبوبه= من جور من سوا سواة الجابي

وثارت وراه العالم المنهوبه= في وجه زيين العابديين الهابي

واعلان عن تونس يفيد هروبه = الريس المحتال والنصابي

ومصر الكنانه دولة منكوبه = ثارت ثوايرهم على الكذابي

حسني مبارك عاقبوه عقوبه = شعبه اخذ عن حكمة ابن الشابي

الشعب له حق وهو يعلوبه = غصبا عن الانساب والالقابي

غير الروافض والخليج انشوبه= حزب المجوس مخنع الارقابي

اهل الفتن والمله المكذوبه= واهل البدع والشرك والانصابي

حتى المطوع غلطوفي سلوبه= وسموه ناصر مذهب الوهابي

وانا ادري انها خطة ملعوبه= من عند فارس غرب عن بنجابي

واسمج حكايه الاكه المطلوبه= راس الشقاق مؤسس الارهاابي

جاته جيوش العلج ثم قفوبه= معهم سلاح مشوكا شبابي

وبالليل الاضلم فالبحرزتوبه= من شان مايزعل بنو الاعرابي

وباقي اليماني واليمن في نوبه= ريس يراوغ مثل راغ الدابي

والشام فيه الطوبه المعطوبه= البعث فيه مسويا احزابي

وكل الجرايم داخله منسوبه= ماحد يقول الحق له طلابي

ومعمر المجنون و العبوبه= راعي الخيام مسحب الاطنابي

حاول يطفي الثوره المشبوبه= لكن مافاد الصياح وخابي

وخش الزعيم بداخل الانبوبه = عقب الخيام ومجلس النوابي

جروه شعبه وسحبو عرقوبه= والدم غطا راسه المنصابي

انا اشهد انها زنقة مكتوبه= من عاب غيره فالزمان يعابي

واكبر حدث في عامنا تدروبه= موت الكريم الريح الصبابي

ولي عهد الرايه المنصوبه= جزل العطايا مفكك الانشابي

سلطان شعبه والده محبوبه= الي بفعله كاسب الاعجابي

ندعي الاله يبدله بمثوبه= جنات خلد طاب فيها طابي

هذي نهاية عامنا الاعجوبه = والله يستر ويش يكون الغابي
[/poem]

وسلامتكم..

رد: عامنا الاعجوبه
 

سالم وغانم وصح لسانك

ولي عودة بإذن الله..

رد: عامنا الاعجوبه
 

حياك الله يابو غلا وياهلا ويامسهلا

سعيد جدا بتواجدك ياغالي وننتظر عودتك دائما ,,

رد: عامنا الاعجوبه
 

رد: عامنا الاعجوبه
 

صح بدنك يانمط رهيب

والالحان كثير طال عمرك غير لحن الرجز .....

ويسعدني ويشرفني تثمين الشاعر الكبير ابو ساق الدعدي

او اي شاعر من شعار المنتدى لكني لم اسند القصيده على اي شاعر تحياتي لك ,,

رد: عامنا الاعجوبه
 

صح لسانك

تحياتي وتقديري

رد: عامنا الاعجوبه
 

بن مغبش الله يبيض وجهك على ماابدعت وننتظر المزيد وصح لسانك مليون ولايكفون
نمط رهيب والله حنا حاضرين في كل انواع الشعر

رد: عامنا الاعجوبه
 

رد: عامنا الاعجوبه
 

صح لسانك يابن مغبش

سرد بليغ لوقائع في عام استثنائي عجيب


رحم الله فقيد الأمة




وبارك الله فيك

رد: عامنا الاعجوبه
 

صح لسانك وافية من راس وافي
أبدعت يا ابن مغبش وأنت مبدع في كل أحوالك
تقبل مروري وتقديري ،،،

رد: عامنا الاعجوبه
 

والله يستر ويش يكون الغابي.


الله الله ، رائعة القصيدة في تكوينها وتسلسل احداثها وبناءها.
أحسنت أخي ابن مغبش وصح الله لسانك والله يعطيك العافية.
امتعتنا بهذا النص الشعري الجميل.

رد: عامنا الاعجوبه
 

رد: عامنا الاعجوبه
 

صح لسانك يابو محمد

وفعلا والله إننا في العام ألأعجوبه

رد: عامنا الاعجوبه
 

رد: عامنا الاعجوبه