محاوره مع الشاعر / سامح بن عبدالله المطرفي.
 

السلام عليكم ورحمة الله وبركاته .,
اخواني جايبلكم محاوره بيني وبين الشاعر / سامح بن عبدالله المطرفي
البدع مني واقول:

اسابق الشعار ماهي بحيله
عندي مفاتيح القوافي مع اقفال
العلم واضح والمسافه طويله
عطنا بيوتك يالهذيلي بالافعال



سامح:

من يرتكي للحمل لازم يشيله
عيباً على اللي يرتكيله ولا شال
واللي يبا درب السمو والفضيله
يمشي على وضح النقى ليش يحتال


الرد مني :

ياشاعراً فيك الصفات المهيله
انت تشيل الحمل والحمل قتال
ماهو غريب الطيب فيكم جميله
هذا كلام الصدق فيكم وينقال

سامح:

الحمل حملك لاتدور وسيله
تبا تشيله ياصبي وانت رجال
ونقول شيال الحمول الثقيله
وبطل في وقتاً فيه ياقل الابطال


الرد مني :


الحمل فوقك ثابتاً كالمخيله
حديت نفسك يامسهل لك الحال
وحنا نصفقلك نقول الدليله
لكن مانمشي معك بعض الاحوال


وسلامتكم .

رد: محاوره مع الشاعر / سامح بن عبدالله المطرفي.
 

وعليكم السلام ورحمة الله وبركاته

حياك الله يا ابن العم وحيا الله ما كتبت

وصحت الألسن وبيض الله وجيهكم

واعذرني لنقله لقسم المحاورات المكتوبة

رد: محاوره مع الشاعر / سامح بن عبدالله المطرفي.
 

رد: محاوره مع الشاعر / سامح بن عبدالله المطرفي.
 

وعليكم السلام ورحمة الله وبركاته


حي الله عبدالرحمن

اتحفتنا بهذه المحاورة

بيض الله وجهك

رد: محاوره مع الشاعر / سامح بن عبدالله المطرفي.