نسّم علينا الهوى
 

هذي قصيدة غزلية اتمنى أنها تعجبكم


[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
أي والله اللي تعدا ما هو بعادي= غنيت وأنا من أول ما أعرف أغني
نسّم علينا الهوى من مفرق الوادي= حتى أنثنى كل عود وجيت متثني
يا صادح العشق هذا صوتك الشادي= ردد لها كل بيت وقولها عني
الحب طب القلوب وغصنها نادي= ما فيه داعي تروح وما تكلمني
من عمّرت في خفوقي سكر وكادي= وأبيات كل القصايد تنقطف مني
كن أزرعت ثمرة العشاق بفوادي= ومن وين ما ميلت تبيعها ظني
يا راقيه مجتمعنا مجتمع سادي= وغريزة الملك فينا شي يجبرني
أتملكك مثل ما أملك عيد ميلادي= عشان لا مر عامٍ فيك ذكرني
يمكن يجي يوم ما تصلح لك بلادي= ونصير ما أحنا سوا وأتخيلك كني
واقف معك ويتلفت أصغر أولادي= وأفوق من غفلتي والوقت يزعلني
وأرجع على مكتبي وأشغّل الرادي= وفيروز فجأة بمحطه كانت تغني
نسّم علينا الهوى من مفرق الوادي= وأنا انثني وانثني ما أحدٍ درى عني[/poem]

وسلامتكم جميع

رد: نسّم علينا الهوى
 

صح السانك قصيده جميله جدا

تعبر عن احساس ومشاعر الهوى

لدي مشاعر شاعرية الحب

لكـــ تقديري

ودمت..

رد: نسّم علينا الهوى
 

صح لسانك يا ابو سعود


قصيده جميله تشكر عليها يا غالي






تحياتي ,,,

رد: نسّم علينا الهوى
 

الأخ متعب

صح بدنك

وأسعدتني بمرورك الكريم والأشاده

ولك كل أحترامي وتدوم بخير

الغالي أبو سعد

صح بدنك يا طويل العمر

وتسلم على المرور

رد: نسّم علينا الهوى
 

أخوي هشام كلك إبداع وذوق واحاسيس مرهفة قصيدتك جميلة ورائعة ولكن الأروع هو هشام الهذلي ، واقبل مني هذه الأبيات المتواضعة فالوقت لم يسعفني لمجارات قصيدتك بقصيدة كاملة ولكن الجود من الموجود ، وتقبل تحياتي .

[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
معذور ياللي تلج الصوت وتنادي= قلبك من الحب صار اليوم متعني
ياللي مع العشق لك صوله وميعادي = إحذر تقلّد حالة المجنون وتجنّي
مجنون ليلى رماه العشق وانصادي = لاعاش عيشه ولاهو مات متهني [/poem]

رد: نسّم علينا الهوى
 

هلا وغلا بأبو حمدان

وصح لسانك

وكلك تكميل ولا يجي منك الا الجزل دائما

تسلم على المرور

رد: نسّم علينا الهوى
 

رد: نسّم علينا الهوى
 

السلام عليكم ورحمة الله وبركاته وبعد
اشكرك من قلبي يا هشام الهذلي

تحياتي لك

رد: نسّم علينا الهوى
 

أخوي ماهر الهذلي

صح بدنك والله لا يهينك

وأشكرك على المرور الكريم


الأخ محبوب

وعليك السلام ورحمة الله وبركاته

واللي يستحق الشكر أنت أخوي على مرور الكريم