معاتبه صديق
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا صاحبي طولت غيبتك بالحيل = تالي الليالي سرت مشغول عنا
معاد من يمك تجينا مراسيل = مدري وش اللي سار ياخو مهنا
دنياك ما تخلص من الحط و الشيل = ولا هي بجاية لك على ما تمنا
سود الليالي مقفيات و مقابيل = حتى بنص اعمارنا روحتنا
يا ما خذت في حبالها من حلاحيل = و حنا على الساقه ندرج ضعنا
لكن نبغى الوعد بعد التساهيل = ذيك الديار اللي بها الورق غنا
قفراً خلا ما داج فيه المهابيل = في ما مضى ما ينزله غير اهلنا
يازين شب النار والبن والهيل = و الدله الصفرا و نجرِ يدنا
في مجلسِ ما جاه راعي التهاويل = اللي يجيب علوم منا و منا
مجلس رياجيلِ و هرجة رياجيل = و أشعار تبنيها على كل فنا
ما راح معنى من تعبنا محاصيل = بكرة ليا حان الرحيل و رحلنا [/poem]



[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياللي تبي عن سبة البعد تحليل = حنا ترانا في الزمان انشغلنا
شاقين في وقت العنا و الغرابيل = و الله و اعلم وش مخبي زمنا
لو كان لاحقنا من ايامنا ميل = وعن ما نبي سود الليالي حدنا
ترى هقاوينا ورى الجدي و سهيل = وعزومنا دون العلا ما تثنا
لنا مع ابواب المراجل مداخيل = ومن مدخل اصحاب المراجل دخلنا
لو ان دنيانا تمتاع و تزيل = وفي قبورنا ما ينفع الا عملنا
نبغى الستيره يا مغني التماثيل = و نحيا حياه تسرنا في وطنا
نستد عن مدة اهل القال و القيل = ولا حتاجهم لو ما شربنا و أكلنا
هذي سبايب غيبتي بالتفاصيل = يوم ان ما جينا ولا حنا اتصلنا
لو ان ودي يا مطر بالتعاليل = وجلسه مع امثالك و هيلاً و بناً
في دار دوب أنه درج فوقه السيل = من نو برقه لاح و الرعد حنا
خضارها يشفي القلوب المعاليل = و تسر من جاها لو انه معنّا
ومجالسِ ما طبها بارد الحيل= هذاك لا فينا ولا هو منا
جلسه حشام و قوم وزعه و تكميل = واللي معه هاجوس بالقاف غنا
وبين النشاما دارجات الفناجيل = وان حان فرض نقوم له ما غفلنا
هذي طرات الروح يا سامع القيل = واللي بقي في وقتنا ما غبلنا[/poem]

رد: معاتبه صديق
 

رد: معاتبه صديق
 

صح لسانك اخي مطر الهذلي

صوت وصدى ولا اروع وصح لسان خويك بندر


ســود الليـالـي مقفـيـات و مقابـيـل

حـتــى بـنــص اعـمـارنـا روحـتـنــا تقريبا هنا زياده مطبعيه



تحياتي

رد: معاتبه صديق
 

الاخ قرناس بني ياس صح بدنك ولاهنت

رد: معاتبه صديق
 

صح بدنك والله ياخ عمر ولا هنت = وزيادة حرف التا خطا مطبعي على قولتهم

رد: معاتبه صديق
 

صح لسانك وصح لسان عميلك

رد: معاتبه صديق
 

مراسل عليه الكلام

صحت الألسن ، والحيقة أن مشاغيل الناس ورى كل غياب

لك الله يعين

رد: معاتبه صديق
 

رد: معاتبه صديق
 

الاخ ابورديد صح بدنك وبارك الله فيك

رد: معاتبه صديق
 

ياسلام ياسلام

صحت السنتكم وبيض الله وجيهكم

شعار مبدعيين وقصائد جزله

تسلم والله اخي مطر الهذلي على ماقدمتم لنا من ابداع منقطع النظير ,,

رد: معاتبه صديق
 

الاخ سلطان السويهري صح بدنك ولا هنت يالغالي

رد: معاتبه صديق
 

الاخ عابد صح بدنك ولاهنت يالغالي

رد: معاتبه صديق
 

رد: معاتبه صديق
 

رد: معاتبه صديق
 

الاخ ابن مغبش صح بدنك ولاهنت