|
العـــطــــر!!!!
تسلل لصدري عطرك اللي ماقدرت أنساه ولقيت العطر فيه الوفا أكثر من أصحابه هاذاك أصل الحلا والبقية مجرد أشباه وكل مفارق ماقدر ينسى له أسبابه خليل القلب أرهقني تعب فرقاه ماعدت أقدر أحتمل حرقة غيابه والله، .. من قلب قلبي تطلع الآه ذكرى ريح طيبك خنجر وصابه أتجرع سم بعدك وأتخير أحلاه إنستر شيبن براسي وشماغي إحجابه وسط البشر يمشي مضيعن دنياه الله يعين اللي مفارق أحبابه وسلامتكم اتقبل النقد بصدر رحب |
رد: العـــطــــر!!!!
صح لسانك ياالجابري
وقصيدة جميلة ولاهنت تحياتي لك أخوك ماهر الهذلي |
رد: العـــطــــر!!!!
صح لســـــــــان قايلــها
الجاابري بصرااحه ابداااع انا عن نفسي اجييز القصيده وفالك المليوووون ههههههههههههههههه اخوك المزيـــــــــــــدي المســعودي .... |
رد: العـــطــــر!!!!
شكراً على مروركم انتوا الي ذوقكم حلو وصحت ابدانكم جميع |
رد: العـــطــــر!!!!
الأخ الجابري الهذلي
صح الله لسانك على هذي القصيده الجميله وتمام منك تقبلك للنقد لأن الشاعر وخصوصا في بدايته يحتاج للنقد الهادف البناء عشان يظهر بعد كذا بالشكل اللي يتمناه ولكن ثق ثقه تامه أنك بمجرد تقبلك للنقد فأنت وضعت رجلك على أول الطريق وهذي بداية خطوة المليون ميل على قولتهم . والحقيقه القصيده ما فيها عيوب من ناحية المعنى والقافيه ولكن المشكله اللي عندك بسيطه وهي مشكلة الوزن فالقصيده تفتقد للوزن ولكن مع الوقت صدقني راح تتجاوز هذي المشكله ولو تطلع على المواضيع المثبته عندنا في الموقع عن البحور والأوزان أعتقد أنك راح تسنفيد منها كثير . وفيه ملاحظه ثانيه بسيطه على عجز البيت الأول اللي يقول : ولقيت العطر فيه الوفا أكثر من أصحابه أنا أعتقد أني سبق وسمعت هذا البيت وأنا ماني متأكد من هو الشاعر ولكن أعتقد أنه بدر بن عبد المحسن وكان المفروض أنك تقوس البيت حفظ لحق الشاعر في أبتكار هذي الصورة عموما الله يوفقك ويوفقنا جميع وتقبل تحيات أخوك هشام الهذلي |
رد: العـــطــــر!!!!
صح بدنك ياهشاام اقتباس:
صحيح وانا كاني سمعتها قبل كذا بس تعرف ابغى اسوي شااعر عليكم هههههه والله يسلمك ويخليك لنا تمام انك نقدت وانا استفدت منك يعلم الله خاصة في الوووزن والله يوفقك حبيبي |
| الساعة الآن 11:49 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل