|
شايب ومعزبتة
قصة شايب ومعزبته وهي عايشة معاه طول السنين وتعرف حاله وامكانياته ولا تبي تحمله
اكثر مما يقدر عليه ومسايرته وهو شايب كبير في السن وهي كذلك كبيرة هالشايب له ولد نشمي.. جاه الولد وقال يا يبه وش رايك لو نزوجك ؟ قال: والله الساعة المباركة.. اي والله يا ولدي، يا ولد السعد.. اي والله زوجني قال الولد: ها ما به خلاف.. قام وخطب له ذيك البنت، وهم شغالين في ترتيب الزواج درت العجوز وتأكدت ان الشايب بيعرس والله وتتغير عليها الأمور .. وقامت تمترح وماهي متأكدة ان الشايب بيعرس من جد لأنها خابره امكانياته متقاربه وبياخذ له بنت قالت العجوز لولدها : ياولدي انتوا بتزوجون الشايب؟ لا تزوجونه ماله لزوم.. الشايب ذا المفروض ما تزوجونه .. العجوز ذي شاعرة وكذلك الشايب شاعر.. المهم قامت وسوت لها كم بيت في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته الاوليه قابله منه الميسور وراح تتغير عليه الامور قالت العجوز: جملنا جملنا باركن له ثلاث سنين ،،، وهو ليّا جبنا له الحمل ما شلّه ماغير القتب والمزودة وسطها مدين ،،، وهو بارك عجزان عن شيلها لله وذا اليوم جبتوا حملةٍ وزنها طنين ،،، وذا الحمل يا الاجواد ما هو قد لّه جيته وقلت بالهون بالهون يا مسكين،،، هذا الحمل يبغاله جمال تجهم(ن) لّه ماهوب انت ياللي جايب فيدك من الصين ،،، أنا اللي أعرفك زين يابارد(ن) دلّه قام الشايب والظاهر عنده امكانيات.. لكن ذي العجوز واقفه في طريقه ومدقره له الرد من الشايب: جملكم ماهو مسكين يا جعلك السكين ،،، جملكم يبي ينقل زهاب العرب كلّه وهو اللي نفع العرب في الزمان الشين ،،، لكن الجمل في تاليه طاح في علّه وقع في رحول طول سيقانها مترين ،،، صخاف الجنوب ضلوعها كنها هلّه وحتى الجمل من شوفها صار حاله شين ،،، وهي السبب في طيحته جعلها العلّه لها ذيل أجرد عمرها من ورا السبعين ،،، وعز الله انها تمرض القلب وتعلّه لكن جيبوا للجمل بكرةٍ عمرها عشرين ،،،وتشوف الجمل يعطي كلش على حلّه ليا عيّن الحمرا الردوم اشتغلها زين ،،، وخله بعيد من أم شاصين منحلّه اذا الله عطانا عمر وانتوا من الحييّن ،،، تشوف الجمل لو حملوه طويق يشتلّه |
رد: شايب ومعزبتة
هههههههههههههههههه
والله العجوز غسلت شراعه تسلم يا مساعد |
رد: شايب ومعزبتة
والله هذي تاليت العشرة
كل واحد طايح فالثاني يعطيك العافيه اخوي |
رد: شايب ومعزبتة
اقتباس:
حماس هي غسلت شراعه مافيها كلام لكن إستفزته وذاه يخاقي مساعد سالفتك هذي ذكرتني بالي جوزوها على عود ويوم جا الليل وهو يعطيها ظهره وهي شاعر كانت تقله الله يقطعك ياحض رحمات .... ماحاشنا إلا في قحمين شيبان وحنا بنات سمعها العود . وجاك مطفي النور كان يرد عليها قال القحامه سيول الرجاعات .... وإلي حدر سيلها يبي البحر من عالي النايفات قالت له الغماليج زوكه ولذات .... واما انت يالقحم دوبك تتالي القنات بارك الله فيك يالحبيب |
رد: شايب ومعزبتة
أجل نحلق أنفسنا قبل فوات الأوان |
رد: شايب ومعزبتة
شكرا لصاحب الموضوع العزيز مساعد وشكر خاص للعزيز رزق الله الزيداني وإضافته الرائعة
وعندي مثلها وكماها ولكنها مشفرة < ما تجي على النيل سات ههههههههه |
رد: شايب ومعزبتة
ورب الفضل دا العجوز راح شمنقا ياحبش وعليك يا عجوز بالمقادم تخليك زي الملوينه وتصير راجل مقدام واضرب المره بالمره
|
رد: شايب ومعزبتة
هههههه
سالفه مهوله شكراً مساعد |
رد: شايب ومعزبتة
الله يعطيك العافية يا مساعد قصة طريفة والعجوز ما قصرت فالشايب
|
رد: شايب ومعزبتة
شاكر لكم جميعاً مروركم الراااائع
|
رد: شايب ومعزبتة
كتم بلف ابو جدها بالرد
لها ذيل أجرد عمرها من ورا السبعين ،،، وعز الله انها تمرض القلب وتعلّه |
رد: شايب ومعزبتة
اقتباس:
شاكر لك مرورك الطيب |
| الساعة الآن 07:58 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل