::{ مجالس قبيلة هذيل }:: موقع يهتم بتراث القبيلة ومفاخرها

أبشرك حنا بخير وسلامه
لا ينشغل بالك يابو متعب ارتاح

شايل هموم الدار حب وكرامه
ما همك أوجاعك ولا همك جراح

نادى الشمال وجاوبته اليمامه
راح وخطاك الشر يا تاجنا راح

وقال الجنوب لنجد مرت غمامه
واللي بشرق المملكة همه انزاح

وقام الحجازي يوزع الابتسامة
لضيوف بيت الله ويطمن أرواح

يا من رفع قدر النساء في كلامه
في شدتك مؤمن وطيب ومزاح

الليل يسري ما نحس بظلامه
دامك تشوف النور فالنور وضاح

والعالم اللي قد كسبت احترامه
لولا وجودك كان من عيننا طاح