محاورة نادرة للمسعودي ومستور
 

المسعودي
واحدآ جابوه وودوه مدري كيف قال
من هو اللي دف مستور واندفه وراه
اخوياه ايدورونه وهو رايح لحال
ما خبرت اللي يبا يروح ويكب اخوياه
مستور
ما خبرنا اللي يضيق سريع الانفعال
من يقول العلم جاني منين جاه
واشكل الاقوال يا ذيب ما هي راس مال
من ظما لو يشرب البحر ما يروي ظماه
المسعودي
الخبر والعلم تحت العمامه والعقال
والعقال مع العمامه فوق راسك هذاه
من زعل قلة سعه يشتري له وسع بال
قبل يقعد له زمانه على راس الحصاه
مستور
ما على راسي يقع ما على روس الرجال
والعميل الوافي الناس ما تنقص وفاه
الزعل طيب ومكروه في بعض الحوال
والامانه ما تضيع على طول الحياه
المسعودي
انت عندك طبيعه من جدودك والخوال
لا غيبه تعجب الناس من قدر وغطاه
ان عطتك اكتوفها ما تربطك الحبال
وان توجه لك نحرها تلحفت العباه
مستور
وان بدالك عوجت العوج في رقاب الجمال
مير من عارض بما عونه السيل امتلاه
من تملت له غروبه ؟؟؟؟؟؟؟؟؟؟؟به محال
كل ما اوحى له منادي ينادي قال هاه
المسعودي
ما معي ماعون والوادي الممطور سال
وانت كيف يسيل واديك وخيالك صحاه
والحبوب الصم لو قيمة الحبه ريال
ما بلعها غير من تطحن الحبه رحاه
مستور
لو زهمت ابكم يجاوب على هذا السوال
كيف عاقل يلتبس ثوب ما فصل علاه
لن وصلك العلم عندك محايل واحتيال
حيلة الحصني ليا شاف سبع الليل جاه

رد: محاورة نادرة للمسعودي ومستور
 

محاوره رائعه بين شاعرين كبيرين

الله يرحمهم و يغفر لهم


و بارك الله فيك اخوي هذيل كلهم نشاما على المحاوره النادره









تحياتي ,,,

رد: محاورة نادرة للمسعودي ومستور
 

رد: محاورة نادرة للمسعودي ومستور
 

من زعل قلة سعه يشتري له وسع بال
قبل يقعد له زمانه على راس الحصاه
اشكر هذيل كلهم نشاما على نقل المجالسية النادرة

رد: محاورة نادرة للمسعودي ومستور
 

رد: محاورة نادرة للمسعودي ومستور
 

شكرا اخوي وفعلا محاورة جميلة ورائعه ومسجلة لدي ببرنامج البادية