|
اهداء الى هشام الهذلي
انت الذي لك بالمراجل مواقيف صداقتك طول الزمن تاج راسي
صداقتك ماهي مخادع وتزييف على الشرف والطيب ساسك وساسي يابن الرجال مفرقين المواليف تروس في يوم القاء ماتراسي الي بيوم المعركه ترفع السيف افعالهم مثل الجبال الرواسي ويضا تقدر واجب الجار والضيف ناسا تماشي بالشرف كل ناسي سطر لها التاريخ علما وتشريف ماهو كلام الضعف ولانتكاسي وصداقتك ماهي بجمع السواليف ولاهي صداقات القلوب النجاسي الي صداقتهم مثل بارق الصيف يصادقك باليل وصبح ناسي والياطلبته شي صرفك تصريف واليا بغاك يصير فضه وماسي والانت ذخري بالسنين الشواحيف وانت عضيدي كل مالان باسي واليا حصل لي في زماني صواديف انصاك لاجاء بالزمان فتراسي ياذيب دايم منزلك بالمشاريف ولا الخرابه منزلن للبساسي هذي بيوتا عنك موجز وتعريف ياعز صدقاني وياتاج راسي منقول وشكرا zzz |
رد: اهداء الى هشام الهذلي
أولا : بيض الله وجهك
وصح الله لسان القايل وهديتك قبلناها بالطول والعرض وثانيا : إحراج ما بعده إحراج هذا كرم منك الله يعطيك العافيه وثالثا : يا ليت تعرفني عليك ويكون لي الشرف ورابعا : تمنيت أنك أنت كاتب القصيده عشان أتشرف وأجاريك فيها لكن ما عليه الجايات أكثر |
رد: اهداء الى هشام الهذلي
قصيدة جزلة ورائعه وأبو سعود يستاهل ـ وما هي كثيرة في حقه
بس أنا لي ملاحظة في هذا الشطر ------------------------------------- = يصادقك باليل وصبح ناسي فيه نقص بسيط وألا وش رايك يا بو سعود |
رد: اهداء الى هشام الهذلي
صح الله لسان القايل والأخ هشام يستاهل أكثر
والله يعطيك العافية ياأخ محبوب على نقل هذه القصيدة . أما بالنسبة للبيت الذي نوهت عنه أخي سلطان السويهري فهو بوضعه الراهن يعتبر مكسور ولكن أنا أعتقد أن أصل البيت : (( يصادقك بالليل والصبح ناسي )) أعتقد أن الألف واللام في كلمة الصبح قد حذفت فجعلت البيت مكسور ، والله أعلم . |
| الساعة الآن 03:49 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل