::{ مجالس قبيلة هذيل }:: موقع يهتم بتراث القبيلة ومفاخرها - مجموعة محاورات بين عمران الهذلي ومحمد الأحمدي

- مجلس الألوان الشعبـيــــــة (https://hothle.com/vb/forumdisplay.php?f=30)

مجموعة محاورات بين عمران الهذلي ومحمد الأحمدي

الاحمدي

حبيت فيما مضى حبيت ***وكان خلي معي وافي

مامل هــــو ولاملــيت ***لكنه الوقت ياكافي

غير حياتي وهد البيت *** والجو ماعاد لي صافي

لأنه تركني بعد ماأخطيت *** وسار لودادنا نافي

الهذلي

أخطيت معناه ماوفيت *** وقصرت في زين الأوصافي

من قبل أنا فيك ماظنيت ***بس اعترافك لنا كافي

إن كان نادم فيما سويت*** الحق مدبول وأضعافي

هذا جوابي حسب ما ريت *** ويمكن حكمنا بالانصافي
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ

الهذلي
سلام صافي من التعكير ***للشاعر اللي مجافينا
ماللزعل بيننا تبرير *** الشعر يحكم ويرضينا

الأحمدي

ترحيب وافي مع التقدير *** للشاعر اللي موافينا
ماللزعل بيننا تأثير *** لاتقول إن الجفا فينا
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
الأحمدي

وش رأيكم في العميد اليوم ***له مستوى مايسر الناس
على الإدارة يكون اللوم *** وإلا على مدرب الحراس

الهذلي
هيا معي نخلع الجمجوم *** ونرد عثمان والرواس
ونلمهم من خيار القوم ***لازم نقف كلنا بإحساس
ـــــــــــــــــــــــــ ـــــــــــــــــــــــــ ـــــــــــــــــــــــــ ـ
الأحمدي

وش غير العيد ياصاحب *** خلاه بعد الفرح حسرات
يكون خوفي على الغايب *** وإلا حنيني على اللي فات

الهذلي

يامحمد الوضع متقارب *** في العيد لأهل الهوى بالذات
العيد له عندنا واجب *** والله لايخلف العادات
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
الأحمدي
كل عام وأنته بهنا وسرور ***والله يعيده على أمثالك
ياشاعر بالوفا مذكور ***والطيب دايم في أفعالك

الهذلي

يامرحبا ياصباح النور *** والطيب والخير في اقبالك
راعي وفا وماعليك قصور ***دايم وحناعلى بالك
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
الهذلي

سلام عيد نهار العيد *** يمر على الناس ويعايد
ويمر الأصحاب بالتحديد *** والأحمدي بينهم واحد

الأحمدي
ترحيب يستاهل الترديد ***بالطيب لأهل الوفا زايد
واثني لعمران ثم أزيد *** ترحيب من عندنا واجد
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ