|
خليك ببلادك وانا في بلادي
خليك ببلادك وانا في بلادي الى من يهمها الامر ,,, مع فائق تقديري يابنت انا عندي احاسيس واشــعور ,,,,,,, واخشــى كـلام النـاس والانتقادي اخشــى يقال فلان طايش ومغرور ,,,,,,, ولا يعرف اسلوم العرب والمبادي أنــا بشـــر احيان ضايق ومسرور,,,,,,, وأخسر وأربح يعني إنســان عادي واصبحت بدروس التجاريب دكتور ,,,,,, واخـذت انا من الدين عبره وكـادي أنشد واحاور وابدي الشور وآشور ,,,,, وابحـث عن اللي رايهم به رشـادي اخالف النفس وهـــواها ومجبـور ,,,,,, ونفســـي قــويه ما ذعـنت للعنـادي طبع ابدوي والجود منهج ودستور ,,,,, مبطي لنـــا مـــن يـومنا بالمهـــادي واحرص ابهدنيا علــى كل منعــور ,,,,,, ولا الـــردي مــالـــه ابقلبـي ودادي شوف البدو عندي نواوير وازهور ,,,,,, وافرح ليامـن دجت وســط الصحاري شوف الصحاري يجلي الهم والجور ,,,,, وضلعانهـا تسوى المدن والنوادي والبــن ايـلا شـــفناه بالدلــه يفـــور ,,,,, وفنجالهـــا عنـــدي يزيــل النكادي يا محلا والصبــح دخانهـــا يثـــور ,,,,,, ونجــــــرً لاجاويــد النشـــاما ينـــادي في ربعـةً ما حط من دونهـا ســور ,,,,,, مدهــال للاجـــواد صبـح وهجـــادي هــذا انا يابنــت والســاس مخبـور ,,,,, وهـذا هـــوى نفسـي وهـذا مـرادي واللـــي تبينه مالنــا فيــه مقـدور ,,,,,,, انـــا بـــوادي صـرت وانتـي ابـــوادي بعــاداتنا ذا شـي يابنت محظــور ,,,,,,, وش عــاد لو عندك تقولين ؟؟ عـادي روحي وانا باروح والسر مستور ,,,,,,,, وخليك ببـــلادك وانـــا فــي بــــلادي محمد بن سوعان الربيع |
رد: خليك ببلادك وانا في بلادي
وافرح ليامـن دجت وســط الصحاري
اختلفت القافية في البيت عن البيوت السابقة واللاحقة |
رد: خليك ببلادك وانا في بلادي
قصيده رائعه سلم نبضك |
رد: خليك ببلادك وانا في بلادي
الله الله
صح لساااانك ملايين ولايكفوون قصيده جزله من شاعر تعودنا منه على الجزل من القصيد حاولت افتبس ابيات اعجبتني فوجدت كل بيت اجمل من الي قبله بما تحتويه من المعاني النبيله والتصوير الاخاذ بيض الله وجهك اخوي محمد على هذه الدره ولاتحرمنا من جديدك تحياااتي وتقديري ,, |
رد: خليك ببلادك وانا في بلادي
صح لسانك يا بن سوعان
تحياتي |
رد: خليك ببلادك وانا في بلادي
بيض الله وجهك يا شـــــــــــباب
اشكرك على شدة الملاحظه وهذا ان دل على شئ فعلاً يدل على ذكائك والصحيح هو (( افرح ليامن دجت وسط البوادي)) لانه مايصير فعلاً لكن مادري وش اقول سمها اللي اتسميها اعتذر وبكل تقدير للاخوان القراء |
رد: خليك ببلادك وانا في بلادي
اشكرك قناس بني ياس
على المرور وتقبل تقديري |
رد: خليك ببلادك وانا في بلادي
ابن مغبش
اشكرك جزيل الشكر والتقدير على الاطراء اللطيف وبيض الله وجهك لاهنت ,,,, لاهنت ولا عليك زود يابن مغبش والنعم فيك مليوووووووون تقبل فائق تقديري ومحبتي |
رد: خليك ببلادك وانا في بلادي
شكراً شكراً ياعذوب على مرورك
تقبلوا ودي وتقديري |
| الساعة الآن 05:44 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل