::{ مجالس قبيلة هذيل }:: موقع يهتم بتراث القبيلة ومفاخرها - قصه وقصيده عن الماضي وتعليق عن الحاضر

بسم الله الرحمن الرحيم

قصه وقصيده من الماضي وتعليق عن الحاضر
احبائي السلام عليكم ورحمة الله وبركاته
اليله لدينا قصة وعدد من القصائد لنا وعن اصحاب القصه التي تحكي عن الشهامة والرجوله وتبادل الطيب بين الناس ولستر على بعضهم البعض وعدم التشهير وهذ ا ليس بغريب على ابناء الباديه قديما وحديثا ولكن لابد من
وجود شواذ وخاصة في وقتنا الحا ضر
( القصـــــــــــــــــــــ ـــــه)
حدث في زمان ماضي ان الشيخ صياح المرتعد احد مشائخ قبيلة عنزه حضر هو وعدد كبير من جماعته ضيوفا على على قوم من قبيلة شمر ومن عادات الباديه اذا كان العدد كثيرا يتفرقون في البيوت على مجموعات حتى يستطيعون اكرامهم وحضر الشيخ صياح وععد من جماعته في احد البيوت ولما شاهدتهم صاحبة المنزل رحبت
بهم واعطتهم ا المعميل والقهوه وذهبت تطلب من جماعتها قرى لظيوفها حيث ان زوجها كان غائبا وليس
لديها تقر\يهم به واخذت تذهب يمينا وشما لا وبادي عليها القلق والحيره فلاحظ ذلك الشيخ وطلب منها ان تشعل النار وتكثر الحطب حتى يضنون الناس انها اكرمتهم وطلب منها دهن وادهن هو وخوياه ليعلن لجماعته ا ن هل البيت اكرموهم وذهبوا وعندما حضر صاحب البيت اخبرته بما فعل الشيخ صياح من ستر على منزل مطير
الحمري الشمر فمال كان منه الا ان يوسم ناقتين من ابله بوسم عنزه ويشهد عليها جماعته انها لصياح المرتعد
شيخ عنزه ومرت السنين والأبل تتكاثر حتى وصلت ثلآثون راس (
فأرسل له مرسال ليخبره ان له ابل عند مطير بن حمريالشمري ليحضر لأستلامها فلما شاهدها الشيخ قال سوف
اقسمها قال ثلث لبيتك حلايب وثلث للمعزبه التي حاولت اكرامنا بشت الوسائل وثلث لي فقال مطير هذه القصيده
يامرتعد واجبك حقن وصايب = حقن على الي يعرفون المواجيب
وسمتها بحضور كل القرايب = ذبيحتك يامنقع الجود والطيب
ولو مابغينا ماعلينا غصايب = ولاشك ضيف البيت له حق ومصيب
جملتنا ياشوق ضافي الذوايب = وذي عادت الطيب بستر المعازيب
ويفداك منهو ضارين بالسبايب = لاضاف علق بالمعزب كلاليب
جربت شينات السنين النوايب = وجود من الموجود مابه تكاذيب
ترفع لك البضاء بروس الجذايب = حيثك من الي ينطحون المصاعيب
ورد عليه الشيح المرتعد بهذه الأبيات
الطيب بحجاج المسبب وهايب = طيب الفتى من عند ربي تواهيب
ثلث لنا وثلث لبيتك حلايب = مقسومة للظيف هو والمعازيب
ومعزبتنا يافتى وانت غايب = نشمية تسوى كثير الرعابيب
نشمية ماخلفوها زلايب = ولاغبت مايلحقك شكن ولاريب
ومن جرب الدنيا يعرف النوائب = وتراه ماينقد ولايعرف يعيب
فأعجبتني القصة والقصيدة وتفاعلت معها بهذه القصيدة التي تحكي واقعنا الحاضر في هذا الزمن
الله وكبر زمانن فات فيه العجايب = يوم راعي المروه ستر لأهل المروه
رحبت بالضيوف يوم اقبلن الركايب = المعميل دوك والبن والهيل سوه
دورت هي قرى الضيفان بنت النجايب = لكن الوقت قاسي ماش حيلن وقوه
راحت تهلل العبرات والزوج غايب = يوم جو الضيوف وهو ماعاد توه
وقام ضيف الكرام وشب نار الهايب = ركب القدر بالماء ستر منه وخوه
راح ذاك الزمان وجاء زمان المصايب =- يبغى عليك غلطه لجل بكره يتفوه
هو عندك تعشى وصبح سوا طلايب = قالك الرز حب والملح حاذق بقوه
والذبيحه صغيره واللحم صار ذايب == ياعرب وش نسوي مع قليل المروه
قلت بكره نبا نعوضك يابو الحبايب = بكبسة رز البخاري والدجاج المشوه
امل التعليق على ماحصل ولكم تحياتي