|
الجبرتي والذيب
الجبرتي واذيب أنا هيِّـض عليـه طُرقـةٍ لمّْـت بنـا سرحـان وانا مع درب حِجر اللي يعرفـون العـرب ذيبـه شبكنا واشتبكنـا فـي الخـلا ماحولنـا عربـان وكـلٍ مايعـرف اللـي يبـي يخطيـه ويصيبـه قال: ( انا حظي كبير اللي جلب لي شاعر السلمان وانا ماقط شفته مير اّحيـت النـاس تطريبـه ) قلت : ( الا ياذيب قُدمك ذيب ، ذيب مجرد الذرعان وانا ماني بطفلٍ مع ظـلام الليـل تسـري بـه ) معي سكين غدٌاري لهـا جـوف الجـراب لسـان معبيهـا لسبـع الليـل اذا مـا الله بلانـي بـه ترى مالـك عشـا باطرافنـا ياذيـب ياسرحـان لكنـك دوّر اللـي تـقـدره يـاذيـب وتجيـبـه وانا واياه ظلينـا كمـا الفرسـان فـي الميـدان عيونـه فـي عراقيبـي وعينـي فـي عراقيبـه نبيع ونشتـري حتـى وصلنـا قريـة العربـان بعد شاف العرب عوّد وذاك الذيـب عهـدي بـه واختّْمهـا بذكـر الله وذكـر الله عظيـم الشـان وانا ضاري بحكم الله نصبـح بـه ونمسـي بـه |
رد: الجبرتي واذيب
رحمه الله
محاورة تصويرية رائعة من الجبرتي سلمت يابو ساحم |
رد: الجبرتي واذيب
ترى مالـك عشـا باطرافنـا ياذيـب ياسرحـان
لكنـك دوّر اللـي تـقـدره يـاذيـب وتجيـبـه وانا واياه ظلينـا كمـا الفرسـان فـي الميـدان عيونـه فـي عراقيبـي وعينـي فـي عراقيبـه نبيع ونشتـري حتـى وصلنـا قريـة العربـان الله يرحمه ويسكنه الجنه روعه في الوصف والتصوير مشكور يابو ساحم |
رد: الجبرتي والذيب
الله يرحمه ويغفرله
شكراً لك على النقل |
رد: الجبرتي والذيب
هذه بيوت الاولين ، بساطة الالفاظ مع عمق التصوير من غير تكلف
شكرا ابا سامح رفع الله قدرك |
رد: الجبرتي والذيب
اشكر كل من مر 1- أبو رديد 2- خالد الهذلي 3- مساعد الهذلي 4- سلطان السويهري |
| الساعة الآن 11:13 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل