|
دارة رجز مباشر (فارس المطرفي وشباب )
يامرحبا باللي يوّفي في وعوده
ترحيبة ً بين العرب يُرفع علمها راعي الوفا ياأصحابنا يلزم حدوده وانتم وحنا فالمواقف نغتنمها |
رد: دارة رجز مباشر (فارس المطرفي وشباب )
المعذرة في التأخير لأنني كنت خارج المنزل لظروف طارئة وصح لسانك ياشباب واستلم لاهنت دام البقا والبيت عزّه من عموده ياشاعر(ن) انصف لنفسه ماظلمها صاحبك جاك ونيّته يثبت وجوده والرجزة اعلنها وللصاحب نظمها |
رد: دارة رجز مباشر (فارس المطرفي وشباب )
يامرحبا من خاطرا ً ماضاع
يالعزوة اللي تعرف الاسناع والوافي اللي يحتمي ميقافه كلا ً من العربان فيه اطباع واحنا عرب مانرغب النزاع لكن مثلك مالقيت اوصافه |
رد: دارة رجز مباشر (فارس المطرفي وشباب )
الله الله
صح لساانك ياشباب مبدا ممتاز وصح لساانك يافارس المطرفي شاعر مايصعب عليك شي ماشاء الله عليك كان ودي ياشباب تجيب رجز مروبع هذا الرجز المثلوث رجز له خصوصيه نوعا ما وااصلو وعسااكم على القوه ونحن متاابعين لابداعكم |
رد: دارة رجز مباشر (فارس المطرفي وشباب )
اقتباس:
دام البقاء ياسبع بين اسباع دندون في المنزال والمطلاع والعلم بانت يالكريم اطرافه سمعت موجزها من المذياع وصاحبك في الماقف طويل ذراع قوي عزوم وحامي(ن) محرافه |
رد: دارة رجز مباشر (فارس المطرفي وشباب )
بن مغبش مالكم الا مايرضيكم واقلط سلمان معتذر الله يحييك
|
رد: دارة رجز مباشر (فارس المطرفي وشباب )
اقتباس:
صح بدنك ياخالد الهذلي وماعندنا غير قليل مما عندكم وترى اخوك اول مرة يلعب على الرجز ولانستغني عن نقدكم |
رد: دارة رجز مباشر (فارس المطرفي وشباب )
الله يبقيك ياشباب
صادق كلمني سلمان البارح واعتذر عنده ضيوف جوه من مكه مايجي منكم الا العلم الغانم ياربعي بيض الله وجيهكم والداره الليله حيه بشعارها المبدعين |
رد: دارة رجز مباشر (فارس المطرفي وشباب )
اقتباس:
ماشااء الله تبارك الله ماعليك خلااف يافااارس شاعر ومتمكن وشكلك بتزاحم شعار الرجز في الصيفيه هههههههههه |
رد: دارة رجز مباشر (فارس المطرفي وشباب )
اقتباس:
لالا مارايح ازاحمهم انا شاعر متطوع فقط وقت الازمات ههههههههههههههههه شاكر لك التواجد ياخالد الهذلي |
رد: دارة رجز مباشر (فارس المطرفي وشباب )
يامرحبا والنار حية
ياللي تدق السمسمية الله كتب لك قسم طيب لكن مافيها هدية مابين شمس وبين فية لابد مااحل القضية واللي من المولى قريّب مايلحق السية بسية |
رد: دارة رجز مباشر (فارس المطرفي وشباب )
اقتباس:
صح لساانك مبدع ولايهون فارس المطرفي |
رد: دارة رجز مباشر (فارس المطرفي وشباب )
اقتباس:
الدندنة ماهي بليّه عساك حاضر ماتغيّب عندي شراب الشاذليه شباب انا خابرك عيّه في المملكه مافيه زيّه عاقل ولك قلب(ن) حبيّب يحفظك خلاّق البريه |
رد: دارة رجز مباشر (فارس المطرفي وشباب )
السلام عليكم ورحمة الله وبركاتة
ومساك الله بالخير يا هذيل صحت الالسن وبيض الله وجيهكم يا شعار مبدعين ما شاء الله عليك يا فارس بالتوفيق يالامير وشلونك يا بن مغبش |
رد: دارة رجز مباشر (فارس المطرفي وشباب )
اقتباس:
عليكم السلام ورحمة الله وبركاته هلا وغلا ياقرناس بني ياس صح بدنك ولاهنت يالغالي |
| الساعة الآن 11:15 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل