::{ مجالس قبيلة هذيل }:: موقع يهتم بتراث القبيلة ومفاخرها

محاورتي مع الشاعر ظافر العاطفي

الجسور
ودنا نمزح معك بالسوالف يالامير=عاطفي والعاطفي من طويلين العمار
ادري ان اللعب مع صاحبي ظافر خطير=مثل من يلعب بكفيه مع جمره ونار
العاطفي
امزح امزح يالهذيلي عسى فالامر خير=الاوله والثانيه من يمين ومن يسار
لعبنا ماهو بيصلح لأبو شبرً قصير=طايره طارت ووش عاد تبغى فالمطار
الجسور
والله اني وافي الشبر مع ظافر خشير=لاغزينا نغزي القوم في وضح النهار
ياعواطف بعد راحت سفارات وسفير=ماتبى تلقون وسط البلد ديره ودار
العاطفي
ان رضيت اعطيك حتى تقول انك مدير= وانزعلت اطير فالحلق اشد من الزرار
العواطف لابه السلم والسيف الشطير=علم اصحابك ترى النار تالع من شرار
الجسور
كيف ترضيني وانا مازعلت من النذير=كيف يزعلني وانا خابره رجال بار
يالعواطف روحت منكم مرواح طير=دورو واحد يرد الحواشي والبكار
العاطفي
البعير اللي من اول يقول انه بعير=الله يكرمك ياصاحبي عود حمار
ياهذيل انتم وطيتو على شوك الحضير=ازبنو قحطان شب الزمن فيكم وجار
الجسور
كين نزبن من غدى بين سيفه والجفير=لايعمر دار ولا تخلص من حصار
قد خذينا قسمنا من غني ومن فقير=يوم وقت العاطفي لفه يمه واستدار
العاطفي
ادع ربك يرخص التبن واكياس الشعير=لاجل تشبع فاطرً من روى منها الحوار
وان بغيت الحق انا بحر والا انته غدير=والغدير تحبه الناس في كل الديار
الجسور
الله انه يرزق العاطفي خيرً كثير=لين يصبح مرتوي خير وعضوده كبار
اما انا لانمت مرتاح والا انته سهير=والعوافي ما تجيلك بحسب الاختيار